'செம போதை ஆகாதே', 'இமைக்கா நொடிகள்', 'ருக்குமணி வண்டி வருது', 'ஒத்தைக்கு ஒத்தை' என நான்கு படங்களில் நடித்து வரும் இளையதலைமுறை நடிகரான அதர்வா தற்போது மேலும் ஒரு படத்தில் நடிக்க ஒப்பந்தமாகியுள்ளார்.

சமீபத்தில் நல்ல வரவேற்பை பெற்ற 'இவன் தந்திரன்' பட இயக்குனர் ஆர்.கண்ணன், அதர்வாவின் அடுத்த படத்தை இயக்கவுள்ளது உறுதி செய்யப்பட்டுள்ளது. இந்த தகவலை அதர்வா, ஆர்.கண்ணன் ஆகிய இருவருமே தங்கள் சமூக வலைத்தளங்களில் உறுதி செய்துள்ளனர்.

இன்னும் டைட்டில் வைக்கப்படாத இந்த படத்திற்கு ராதான் என்பவர் இசையமைக்கவுள்ளார். இவர் சமீபத்தில் வெளிவந்த தெலுங்கு படமான 'அர்ஜூன் ரெட்டி' படத்திற்கு இசையமைத்தவர் என்பது குறிப்பிடத்தக்கது. 

பிரசன்னா ஒளிப்பதிவு செய்யும் இந்த படத்தின் படப்பிடிப்பு அடுத்த ஆண்டு ஜனவரி மாதம் நெல்லையில் தொடங்கும் என்றும் அதனை தொடர்ந்து சென்னையில் படப்பிடிப்பு நடத்த திட்டமிடப்பட்டுள்ளதாகவும், அடுத்த ஆண்டு மே மாதம் இந்த படம் ரிலீஸ் ஆகும் என்றும் இயக்குனர் ஆர்.கண்ணன் தெரிவித்துள்ளார்.,