திரைத்துறையினருக்கும் தளர்வளிக்க வேண்டும்: ஆர்.கே.செல்வமணி வேண்டுகோள்
- IndiaGlitz, [Sunday,May 03 2020]
கொரோனா வைரஸ் காரணமாக கடந்த மார்ச் 24ஆம் தேதி முதல் தமிழகம் உள்பட நாடு முழுவதும் ஊரடங்கு உத்தரவு பிறப்பிக்கப்பட்டுள்ளதால் அனைத்து துறைகளும் முடங்கியுள்ளது குறிப்பாக திரைத்துறை மற்றும் அதன் சார்ந்த அனைத்து துறைகளும் முற்றிலும் முடங்கியுள்ளது.
இந்த நிலையில் நேற்று தமிழக அரசு, ஒருசில துறைகளுக்கு ஒருசில தளர்வுகளை அளித்த நிலையில்
திரைத்துறையினருக்கும் தளர்வளிக்க கோரிக்கை விடுக்கப்பட்டுள்ளது. இதுகுறித்து பெப்சி அமைப்பின் தலைவர் ஆர்.கே.செல்வமணி கூறியபோது, ‘தொழில்துறையினருக்கு அளிக்கப்பட்ட தளர்வுகள் போல் திரைத்துறையினருக்கும் வழங்க வேண்டும் என்றும், குறைந்தபட்சமாக படப்பிடிப்பு அல்லாத ரெக்கார்டிங், டப்பிங் போன்ற பணிகளுக்கேனும் அனுமதி அளிக்க வேண்டும் என்றும் அவர் கோரிக்கை விடுத்துள்ளார்.
ஆர்.கே.செல்வமணியின் இந்த கோரிக்கையை அரசு ஏற்றுக்கொண்டால் படப்பிடிப்பு முடிந்து போஸ்ட் புரடொக்சன்ஸ் பணிகளுக்காக காத்திருக்கும் திரைப்படங்கள் முழுமை பெறும் என்றும், கொரோனா நிலைமை சரியானவுடன் ரிலீஸ் செய்ய ஏதுவாக இருக்கும் என்றும் பெப்சி அமைப்பின் சார்பில் வேண்டுகோள் விடுக்கப்பட்டுள்ளது. பெப்சியின் இந்த வேண்டுகோளை அரசு ஏற்குமா? என்பதை பொறுத்திருந்து பார்ப்போம்