பிரபல இயக்குனர் வெங்கட்பிரபுவின் பிளாக் டிக்கெட் கம்பெனி தயாரிப்பில் உருவாகி வந்த 'ஆர்.கே.நகர்' திரைப்படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் சமீபத்தில் முடிந்து ரிலீசுக்கு தயாராக உள்ளது என்பது குறித்து வெளிவந்த செய்தியை ஏற்கனவே பார்த்தோம். இந்த நிலையில் இந்த படத்தின் சென்சார் தகவல்கள் வெளிவந்துள்ளது.

'ஆர்.கே.நகர்' திரைப்படத்தை நேற்று பார்த்த சென்சார் அதிகாரிகள் இந்த படத்திற்கு 'யூஏ' சான்றிதழ் கொடுத்துள்ளனர். சென்சார் பணிகள் முடிவடைந்ததை அடுத்து இந்த படத்தின் ரிலீஸ் தேதி விரைவில் தயாரிப்பாளர் சங்கத்தின் திரைப்பட வெளியீட்டு குழுவிடம் கலந்தாலோசித்த பின்னர் அறிவிக்கப்படும் என தெரிகிறது. இந்த தகவலை வெங்கட்பிரபு தனது நிறுவனத்தின் சமூக வலைத்தள பக்கம் மூலம் உறுதி செய்துள்ளார்.

வைபவ், சனா அல்தாஃப், சம்பத்ராஜ், அஞ்சனா க்ரிதி, சந்தான பாரதி, சுப்பு பஞ்சு, பிரேம்ஜி அமரன், கருணாகரன் உள்ளிட்ட பலர் நடித்துள்ள இந்த படத்திற்கு பிரேம்ஜி அமரன் இசையமைத்துள்ளார். வெங்கடேஷ் ஒளிப்பதிவில், பிரவீன் கே.எல் படத்தொகுப்பில் உருவாகியுள்ள இந்த படத்தை சரவண ராஜன் இயக்கியுள்ளார்.