கடந்த சில நாட்களாகவே ஆர்.ஜே.பாலாஜி அரசியலில் குதிக்கவுள்ளதாக வதந்திகள் பரவி வருகிறது. சென்னையில் உள்ள சில சுவர்களில் ஆர்.ஜே பாலாஜி கட்சி ஆர்மபிக்கவுள்ளதாகவும் விளம்பரப்படுத்தப்பட்டது. மேலும் ஆர்ஜே பாலாஜியின் சமூக வலைத்தள பக்கத்தில் கட்சி கொடியும் அறிமுகம் செய்யப்பட்டது. இதனால் ஆர்ஜே பாலாஜியின் அரசியல் குறித்த அறிவிப்பு விரைவில் வெளிவரும் என்று கருதப்பட்டது.

ஆனால் இதெல்லாம் ஆர்ஜே பாலாஜி நடிக்கவுள்ள கன்னட ரீமேக் படத்தின் விளம்பரம் என்றும் இந்த படத்தின் அதிகாரபூர்வ அறிவிப்பு வரும் 18ஆம் தேதி வெளியாகும் என்றும் ஆர்ஜே பாலாஜி தரப்பில் கூறப்பட்டது.

இந்த நிலையில் மதிமுக பொதுச்செயலாளர் வைகோவை இன்று ஆர்ஜே பாலாஜி திடீரென சந்தித்துள்ளார். இந்த சந்திப்பு குறித்து புகைப்படங்கள் தற்போது சமூக வலைத்தளங்களில் வேகமாக பரவி வருகிறது. இந்த புகைப்படத்தை வைத்து ஆர்ஜே பாலாஜி மதிமுகவில் இணையப்போகிறாரா? என்ற புதிய வதந்தி கிளம்பியுள்ளது. இந்த வதந்திகளுக்கு ஆர்ஜே பாலாஜி விரைவில் விளக்கம் அளிப்பார் என்று எதிர்பார்க்கப்படுகிறது.