ஆர்.ஜே.பாலாஜி கதை திரைக்கதை வசனம் எழுதி நடித்த 'எல்.கே.ஜி' திரைப்படம் கடந்த வாரம் வெளியாகி எதிர்பார்த்ததைவிட அதிகமான வசூலை தந்து கொண்டிருக்கின்றது இந்த படம் சின்ன பட்ஜெட் என்பதால் போட்ட முதலீட்டை மூன்றே நாளில் எடுத்து, நான்காவது நாளில் இருந்தே லாபத்துடன் பயணம் செய்து வருகிறது.

இந்த நிலையில் எல்.கே.ஜி ரிலீசுக்கு முன் ஆர்.ஜே.பாலாஜி நடித்த படங்களில் அவரது புகைப்படம் போஸ்டரில் பயன்படுத்தாத நிலையில் எல்.கே.ஜி ரிலீசுக்கு பின்னர் தற்போது ஹீரோவுடன் ஆர்.ஜே.பாலாஜி உடனிருக்கும் போஸ்டர்கள் புரமோஷனுக்கு பயன்படுத்தப்பட்டு வருகிறது.

குறிப்பாக அதர்வா நடித்த 'பூமராங்' திரைப்படத்தின் புரமோஷன் போஸ்டர்களில் இதுவரை அதர்வா, மேகா ஆகாஷ் படங்களே இருந்தன. ஆனால் தற்போது வெளிவந்து கொண்டிருக்கும் போஸ்டர்களில் அதர்வா, ஆர்.ஜே.பாலாஜி இருக்கும் புகைப்படங்கள் பயன்படுத்தப்பட்டு வருகிறது. அதேபோல் இன்று வெளியாகியிருக்கும் ஜீவாவின் 'கீ' படத்தின் புரமோஷன் போஸ்டரிலும் அதர்வா, ஆர்.ஜே.பாலாஜி இடம்பெற்றுள்ளார். ஒரே ஒரு படத்தின் வெற்றி ஆர்.ஜே.பாலாஜியை உச்சத்திற்கு கொண்டு சென்றுள்ளது என்பதே தற்போதைய கோலிவுட் டாக் ஆகும்.