சிவகார்த்திகேயனுடன் முதல்முறையாக இணையும் பிரபல காமெடி நடிகர்
- IndiaGlitz, [Friday,August 19 2016]
சிவகார்த்திகேயன் நடித்து முடித்துள்ள 'ரெமோ' திரைப்படம் மிகப்பெரிய எதிர்பார்ப்பை ஏற்படுத்தியுள்ள நிலையில் இந்த படம் வரும் அக்டோபர் 7ஆம் தேதி ரிலீஸ் ஆகவுள்ளது. இந்த படத்தின் வியாபாரமும் விறுவிறுப்புடன் நடைபெற்று வருகிறது
இந்நிலையில் சிவகார்த்திகேயன் நடிக்கும் அடுத்த படத்தின் படப்பிடிப்பு விரைவில் ஆரம்பமாகவுள்ளது. மோகன் ராஜா இயக்கவுள்ள இந்த படத்தில் சிவகார்த்திகேயனுக்கு ஜோடியாக நயன்தாரா நடிக்கவுள்ளார். இந்த படத்தில் காமெடி நடிகராக நடிக்க ஆர்.ஜே.பாலாஜி ஒப்பந்தமாகியுள்ளதாக செய்தி வெளியாகியுள்ளது. மோகன் ராஜா மற்றும் சிவகார்த்திகேயனுடன் ஆர்.ஜே பாலாஜி முதன்முறையாக இணைகிறார் என்பது குறிப்பிடத்தக்கது.
இந்த படத்தில் பிரபல மலையாள நடிகர் ஃபகத் பாசில் முக்கிய வேடத்தில் நடிக்கவுள்ளார் என்பதும் இந்த படத்தை 24ஏஎம் ஸ்டுடியோஸ் நிறுவனம் தயாரிக்கவுள்ளது என்பதும் ஏற்கனவே தெரிந்ததே.