எப்.எம் வானொலியில் ஆர்ஜே வாக இருந்து அதன் பின்னர் தமிழ் திரையுலகில் காமெடி நடிகராக நடித்த ஆர்ஜே பாலாஜி, அதன்பின் ஹீரோ, இயக்குனர் என அடுத்தடுத்து புரமோஷன் பெற்று வருகிறார். அந்த வகையில் சற்றுமுன் அவர் தனது இன்ஸ்டாகிராம் பக்கத்தில் மனைவி குழந்தைகளுடன் இருக்கும் புகைப்படத்தை பகிர்ந்து உள்ள நிலையில் அந்த புகைப்படங்கள் வைரல் ஆகி வருகிறது.

கடந்த 2013 ஆம் ஆண்டு ஒரு சில திரைப்படங்களில் சிறப்பு தோற்றத்தில் நடித்த ஆர்ஜே பாலாஜி அதன் பின்னர் ’கடவுள் இருக்கிறான் குமாரு’ ’கவலை வேண்டாம்’ உள்பட பல படங்களில் காமெடி நடிகராக நடித்தார். விக்னேஷ் சிவன் இயக்கத்தில் உருவான ’நானும் ரவுடிதான்’ என்ற படம் இவருக்கு திருப்பத்தை ஏற்படுத்திய நிலையில் அதன் பிறகு ’எல்கேஜி’ என்ற திரைப்படத்தின் மூலம் ஹீரோவாக அறிமுகமானார்.

இந்த படம் மிகப்பெரிய வெற்றி பெற்றதை அடுத்து ’மூக்குத்தி அம்மன்’ ’வீட்ல விசேஷம்’ ஆகிய படங்களிலும் முக்கிய இடத்தில் நடித்த ஆர்ஜே பாலாஜி, தற்போது ’சிங்கப்பூர் சலூன்’ மற்றும் ’ரன் பேபி ரன்’ ஆகிய படங்களில் ஹீரோவாக நடித்து வருகிறார் என்பதும் இந்த படங்கள் அடுத்தடுத்து வெளியாக உள்ளது என்பதும் குறிப்பிடத்தக்கது.

இந்த நிலையில் இன்ஸ்டாகிராமில் ஆக்டிவ்வாக இருக்கும் ஆர்ஜே பாலாஜிக்கு ஒரு மில்லியனுக்கும் அதிகமான ஃபாலோயர்கள் உள்ளனர். இந்த நிலையில் சற்றுமுன் அவர் தனது மனைவி குழந்தைகளுடன் இருக்கும் புகைப்படங்களை பகிர்ந்து உள்ள நிலையில் அந்த புகைப்படங்களுக்கு ஏராளமான கமெண்ட்ஸ் பதிவாகி வருகின்றன.

View this post on Instagram

A post shared by RJ Balaji (@irjbalaji)