காஞ்சிபுரம் வரதராஜ பெருமாள் கோவிலில் கடந்த ஒன்றரை மாதங்களாக பக்தர்களுக்கு அருள்பாலித்து வரும் அத்திவரதர் நாளை மறுநாள் மீண்டும் குளத்திற்குச் செல்ல உள்ளதால் இன்றும் நாளையும் லட்சக்கணக்கான பக்தர்கள் அத்திவரதரை தரிசனம் செய்வார்கள் என எதிர்பார்க்கப்படுகிறது.

இந்த நிலையில் கோலிவுட் திரையுலக பிரமுகர்கள் பலரும் கடந்த சில நாட்களாக அத்தி வரதரை தரிசனம் செய்து வருகின்றனர். நேற்று நள்ளிரவு சூப்பர் ஸ்டார் ரஜினிகாந்த் அவர்கள் அவரை தரிசனம் செய்தனர் என்பது தெரிந்ததே. அதேபோல் 'பிகில் பட தயாரிப்பாளர் அர்ச்சனா கல்பாதி, நடிகை த்ரிஷா உள்பட பல கோலிவுட் பிரபலங்கள் ஏற்கனவே அத்திவரதரை தரிசனம் செய்துள்ளனர் என்பது குறிப்பிடத்தக்கது

இந்த நிலையில் பிக்பாஸ்2 நிகழ்ச்சியின் போட்டியாளர்களும் நடிகைகளுமான ரித்விகா மற்றும் ஜனனி அய்யர் ஆகிய இருவரும் இன்று அத்தி வரதரை காஞ்சிபுரம் சென்று தரிசனம் செய்தனர். இது குறித்த புகைப்படத்தை அவர்கள் தங்களது சமூக வலைதளத்தில் பகிர்ந்துள்ளனர். இந்த புகைப்படங்கள் தற்போது வைரலாகி வருகிறது