அரவிந்தசாமியின் புதிய படத்தில் குத்துச்சண்டை நாயகி
- IndiaGlitz, [Thursday,December 29 2016]
'தனி ஒருவன்' படத்தின் மூலம் கோலிவுட்டில் ரீஎண்ட்ரி ஆன நடிகர் அரவிந்தசாமி நடித்த 'போகன்' விரைவில் வெளிவரவுள்ளது. இதனை அடுத்து அவர் 'சதுரங்க வேட்டை 2' படத்தில் நடிக்கவுள்ளார். இந்த படத்தில் அவருக்கு ஜோடியாக த்ரிஷா முதல்முறையாக நடிக்கவுள்ளார்.
இந்நிலையில் மற்றுமொரு புதிய படத்தில் அரவிந்தசாமி நடிக்க ஒப்பந்தமாகியுள்ளதாக செய்திகள் வெளிவந்துள்ளது. இயக்குனர் செல்வா இயக்கத்தில் அரவிந்தசாமி நடிக்கவுள்ளதாகவும், இந்த படத்தில் அவருக்கு ஜோடியாக பிரபல குத்துச்சண்டை வீராங்கனையும், 'இறுதிச்சுற்று' படத்தின் நாயகியுமான ரித்திகாசிங் நடிக்கவுள்ளதாகவும் கூறப்படுகிறது.
அரவிந்தசாமி-ரித்திகாசிங் இணையும் இந்த படத்தை மேஜிக் பாக்ஸ் பிலிம்ஸ் கணேஷ் தயாரிக்கவுள்ளார். இவர் ஏற்கனவே விஜய்சேதுபதி நடித்த 'பண்ணையாரும் பத்மினியும்' என்ற படத்தை தயாரித்தவர் என்பது குறிப்பிடத்தக்கது.