சூப்பர் ஹிட் ரீமேக் படத்தில் 'இறுதிச்சுற்று' நாயகி
- IndiaGlitz, [Friday,June 24 2016]
இயக்குனர் பி.வாசு இயக்கத்தில் கன்னட சூப்பர் ஸ்டார் சிவராஜ்குமார், வேதிகா நடித்த சூப்பர் ஹிட் படமான 'ஷிவலிங்கா' படத்தை இயக்கிய பி.வாசு, தற்போது இந்த படத்தை தமிழில் ரீமேக் செய்யும் முயற்சியில் உள்ளார்.
சிவராஜ்குமார் நடித்த கேரக்டரில் ராகவா லாரன்ஸ் நடிக்க முடிவு செய்யப்பட்ட தகவல் கடந்த சில நாட்களுக்கு முன் வெளிவந்த நிலையில் தற்போது வேதிகா கேரக்டரில் நடிக்க 'இறுதிச்சுற்று' நாயகி ரித்திகாசிங்கை இயக்குனர் பி.வாசு ஒப்பந்தம் செய்துள்ளதாக செய்திகள் வெளிவந்துள்ளது.
இந்த படத்தின் நாயகி கேரக்டருக்கு வித்தியாசமான நடிகை தேவைப்பட்டதாகவும், ஒரே ஒரு படத்தில் நடித்து தேசிய விருது பெற்ற ரித்திகாசிங் இந்த கேரக்டருக்கு பொருத்தமாக இருப்பார் என்று முடிவு செய்து அவரை ஒப்பந்தம் செய்ததாக பி.வாசு தெரிவித்துள்ளார்.
மேலும் இந்த படத்தில் ஒரு முஸ்லீம் கேரக்டரில் தனது மகன் சக்தி நடிக்கவுள்ளதாகவும் தமன் இசையமைக்கும் இந்த படத்தின் படப்பிடிப்பு வரும் ஜூலை 14 முதல் பெங்களூரில் தொடங்கவுள்ளதாகவும் கூறப்படுகிறது. இந்த படத்திற்கு தமிழிலும் 'ஷிவலிங்கா' என்றே பெயர் வைக்கப்பட்டுள்ளதாக தெரிகிறது.