ஓடிடியில் 'காந்தாரா' ரிலீஸாகும் தேதி இதுவா? ரசிகர்கள் எதிர்பார்ப்பு
- IndiaGlitz, [Thursday,November 17 2022]
பிரபல கன்னட நடிகர் ரிஷப் ஷெட்டி நடித்து இயக்கிய ‘காந்தாரா’ திரைப்படம் கடந்த செப்டம்பர் மாதம் கன்னட மொழியில் வெளியாகி மிகப்பெரிய வெற்றி பெற்ற நிலையில் அதன் பின்னர் சில வாரங்கள் கழித்து தமிழ் தெலுங்கு மொழிகளில் வெளியாகி மிகப்பெரிய வெற்றி பெற்றது. ஹிந்தியிலும் இந்த படம் சூப்பர் ஹிட்டானது என்பது குறிப்பிடத்தக்கது.
16 கோடி ரூபாய் பட்ஜெட்டில் உருவாக்கப்பட்ட இந்த படம் 360 கோடி ரூபாய் வசூல் செய்து சாதனை செய்துள்ளது. மேலும் சூப்பர் ஸ்டார் ரஜினிகாந்த் உள்பட பல திரையுலக பிரபலங்கள் ‘காந்தாரா’ இயக்குனர் ரிஷப் ஷெட்டிக்கு தங்களது வாழ்த்துக்களை தெரிவித்தனர்.
இந்த நிலையில் திரையரங்குகளில் வெளியாகி வசூல் சாதனை செய்த ‘காந்தாரா’ திரைப்படம் ஓடிடியில் வரும் 24ஆம் தேதி வெளியாக இருப்பதாக கூறப்படுகிறது. அமேசான் ப்ரைம் இந்த படத்தின் ரிலீஸ் உரிமையை பெற்றிருக்கும் நிலையில் நவம்பர் 24ஆம் தேதி இந்தப் படம் வெளியாக வாய்ப்பு இருப்பதாகவும் இது குறித்த அதிகாரப்பூர்வ அறிவிப்பு இன்னும் ஓரிரு நாளில் வெளியாகும் என்றும் கூறப்படுகிறது.
‘காந்தாரா’ படத்தை திரையரங்கில் பார்த்த மற்றும் பார்க்காத ரசிகர்கள் இந்த படத்தை ஓடிடியில் பார்க்க மிகுந்த ஆர்வத்துடன் காத்திருக்கின்றனர் என்பது குறிப்பிடத்தக்கது.