ரிஷப் ஷெட்டியின் 'காந்தாரா 2' படப்பிடிப்பு, ரிலீஸ் எப்போது?
- IndiaGlitz, [Wednesday,June 14 2023]
பிரபல கன்னட நடிகர் ரிஷப் ஷெட்டி நடித்த ’காந்தாரா’ என்ற திரைப்படம் கடந்த ஆண்டு வெளியாகி சூப்பர் ஹிட் ஆனது என்பது தெரிந்தது. இந்த படத்தின் பட்ஜெட் வெறும் 16 கோடி என்ற நிலையில் உலகம் முழுவதும் இந்த படம் சுமார் 400 கோடி ரூபாய்க்கும் அதிகமாக வசூல் செய்தது என்பது குறிப்பிடத்தக்கது
இந்த நிலையில் ’காந்தாரா’ படத்தின் அடுத்த பாகம் குறித்து தகவல் அவ்வப்போது கசிந்து வரும் நிலையில் தற்போது வந்துள்ள புதிய தகவலின்படி ’காந்தாரா 2’ படத்தின் படப்பிடிப்பு வரும் ஆகஸ்ட் மாதம் நடைபெற இருப்பதாக தகவல் வெளியாகியுள்ளன
மேலும் இந்த படம் ’காந்தாரா’ படத்தின் முந்தைய பாகமாக உருவாக இருப்பதாகவும், இந்த படத்தின் ஸ்கிரிப்ட் அமைக்கும் பணி முழுமையாக முடிஃந்துவிட்டதாகவும் கூறப்படுகிறது.
மேலும் இந்த படத்தை வரும் 2024ஆம் ஆண்டு வெளியிட படக்குழு திட்டமிட்டு இருப்பதாகவும் தெரிகிறது.