வெட்கக்கேடு! இந்த அழுகிப் போன சமூகத்தை நினைத்தால் அவமானமாக இருக்கிறது.. பிரபல நடிகை ஆவேசம்..
- IndiaGlitz, [Monday,March 04 2024]
வெட்கக்கேடு! இந்தியர்கள் தங்கள் வீட்டு பெண்களை நடத்துவது போல வெளிநாட்டவர்களை நடத்தி வரும் நிலையில் ஒரு சிலரால் இந்த அழுகிப் போன சமூகத்தை நினைத்தால் அவமானமாக இருக்கிறது என்று பிரபல நடிகை தனது சமூக வலைத்தளத்தில் தெரிவித்துள்ளார்.
ஸ்பெயின் மற்றும் பிரேசில் நாட்டைச் சேர்ந்த தம்பதியினர் இரு சக்கர வாகனத்தில் ஆசியா முழுவதும் சுற்றுப்பயணம் மேற்கொண்டு வரும் நிலையில் சமீபத்தில் அவர்கள் இந்தியா வந்தனர். கடந்த வாரம் அவர்கள் ஜார்கண்ட் மாநிலத்திற்கு சென்ற போது அங்கு சில மர்ம நபர்கள் அவர்களை வழிமறித்து கொடூரமாக தாக்கியதோடு அந்த பெண்ணை பாலியல் பலாத்காரம் செய்ததாகவும் கூறப்படுகிறது.
இது குறித்து பாதிக்கப்பட்ட பெண், தன் இன்ஸ்டாகிராம் பக்கத்தில் வெளியிட்ட வீடியோ பெரும் அதிர்வலைகளை ஏற்படுத்திய நிலையில் இந்த சம்பவத்தில் ஈடுபட்ட மூவர் கைது செய்யப்பட்டு இருப்பதாகவும் மற்றவர்களை போலீசார் தேடி வருவதாகவும் கூறப்படுகிறது.
இந்த சம்பவம் குறித்து பிரபல நடிகை ரிச்சா சதா கூறியபோது, ‘வெட்கக்கேடு! இந்தியர்கள் தங்கள் வீட்டு பெண்களை நடத்துவது போல வெளிநாட்டவர்களை நடத்தி வரும் நிலையில் ஒருசிலரால் இந்த அழுகிப் போன சமூகத்தை நினைத்தால் அவமானமாக இருக்கிறது’ என கூறியுள்ளார்.
அதேபோல் நடிகர் துல்கர் சல்மான் இதுகுறித்து கூறிய போது, ‘நீங்கள் இருவரும் எங்கள் கேரளாவுக்கு வந்த போது அங்குள்ள எங்கள் நண்பர்கள் உங்களுக்கு விருந்தளித்தார்கள். ஆனால் பீகார் மாநிலத்தில் உங்களுக்கு நடந்தது போல் வேறு எங்கும் இனிமேல் நடக்க கூடாது’ என்று பதிவு செய்துள்ளார்.