ఒక‌ప్పుడు స్టార్ డైరెక్ట‌ర్‌గా, గొప్ప టెక్నిక‌ల్ డైరెక్ట‌ర్‌గా పేరు తెచ్చుకున్న రామ్‌గోపాల్ వ‌ర్మ ఇప్పుడు మాత్రం కేరాఫ్ కాంట్ర‌వ‌ర్సీస్‌గా మారిన సంగ‌తి తెలిసిందే. గ‌త కొంత‌కాలంగా ఆయ‌న వివాదాస్ప‌ద చిత్రాల‌నే తెర‌కెక్కిస్తూ ..వాటిపై కామెంట్స్ చేస్తూ వార్త‌ల్లో వ్య‌క్తిగా నిలుస్తూ వ‌స్తున్నాడు.

తాజాగా మ‌రోసారి త‌న‌దైన ప్ర‌వ‌ర్త‌న‌తో వార్త‌ల్లో నిలిచారు. ప్ర‌స్తుతం వ‌ర్మ ద‌ర్శ‌క నిర్మాణంలో రూపొందుతున్న చిత్రం `క‌మ్మ‌రాజ్యంలో క‌డ‌ప‌రెడ్లు`. ఈ సినిమా విడుద‌ల‌కు సిద్ధ‌మ‌వుతుంది. కాగా.. ఈ సినిమా త‌ర్వాత తాను `మెగాఫ్యామిలీ` అనే సినిమాను చేయ‌బోతున్న‌ట్లు సోమ‌వారం సాయంత్రం ట్వీట్ చేశాడు.

పూర్తి వివ‌రాల‌ను మంగ‌ళ‌వారం తెలియ‌జేస్తాన‌ని చెప్పిన వ‌ర్మ చివ‌ర‌కు తాను `మెగాఫ్యామిలీ` చేయాల‌నుకోవ‌డం లేదంటూ ట్వీట్ చేసి అంద‌రికీ షాకిచ్చాడు. ఆస‌క్తిక‌ర‌మైన విష‌య‌మేమంటే.. ఈ ప్రాజెక్ట్ నుండి వ‌ర్మ చెప్పిన కార‌ణం కాస్త కామెడీగా అనిపించింది. త‌న చిత్రంలో ప్ర‌ధాన పాత్ర‌ధారికి 39 మంది పిల్ల‌లు అని, తాను పిల్ల‌ల సినిమాలు స‌రిగ్గా చేయ‌లేను కాబ‌ట్టి ప్రాజెక్ట్ చేయాల‌నుకోవ‌డం లేదంటూ వ‌ర్మ చెప్పాడు. ఏంతో మేధావిగా భావించే వ‌ర్మ‌కు ముందుగానే ఈ విష‌యం తెలియ‌దా? తెలిసినా కావాల‌నే మెగాఫ్యామిల‌నీ క‌వ్వించడానికే అలా ట్వీట్ చేశాడో ఆ వ‌ర్మ‌కే తెలియాలి.