జగన్‌ను కాపాడేందుకు రఘురామ కృష్ణంరాజు వచ్చాడంటూ వర్మ సంచలన ట్వీట్
- IndiaGlitz, [Sunday,June 28 2020]
వైసీపీ రెబల్ ఎంపీ రఘురామ కృష్ణంరాజుపై సంచలన దర్శకుడు రామ్ గోపాల్ వర్మ ట్వీట్ చేశారు. రాజమౌళి ‘ఆర్ఆర్ఆర్’తో రఘురామకృష్ణంరాజు(ఆర్ఆర్ఆర్) పోలుస్తూ ఆయన ట్వీట్ చేశారు. థియేటర్స్‌ను కాపాడేందుకు రాజమౌళి ‘ఆర్ఆర్ఆర్’ ఎప్పుడు వస్తుందో తెలియదు కానీ.. వైసీపీని కాపాడేందుకు మాత్రం ఆర్ఆర్ఆర్ వచ్చేశాడని వర్మ తన ట్వీట్‌లో పేర్కొన్నారు. ‘‘ప్రేక్షకులకు అత్యంత అభిమానించే చిత్రం రాజమౌళి ‘ఆర్ఆర్ఆర్’ థియేటర్స్‌ను కాపాడేందుకు ఎప్పుడు వస్తుందో చెప్పలేను కానీ జగన్‌ని ప్రేమించే ఆర్ఆర్ఆర్(రఘురామకృష్ణంరాజు) మాత్రం వైసీపీని కాపాడేందుకు ఇప్పటికే వచ్చేసినందుకు మాత్రం నాకు చాలా సంతోషంగా ఉంది’’ అని వర్మ తన ట్వీట్‌లో పేర్కొన్నారు.
కాగా.. వైసీపీలో ఇటీవల అనూహ్య పరిణామాలు చోటుచేసుకున్న విషయం తెలిసిందే. రఘురామ కృష్ణంరాజు వైసీపీలోని కొందరి వైఖరిని బహిరంగంగా విమర్శించడంతో పరిస్థితులు హాట్ హాట్‌గా మారిపోయాయి. మరోవైపు తనకు ప్రాణహాని ఉందంటూ రఘురామ కృష్ణంరాజు లోక్‌సభ స్పీకర్, అజయ్ భల్లాను కలిసి కేంద్ర బలగాలతో రక్షణ కల్పించాలని కోరారు. అయితే ఆయన సీఎం జగన్‌పై మాత్రం ఎలాంటి విమర్శలూ నేటి వరకూ చేయలేదు. ఈ నేపథ్యంలో వర్మ ట్వీట్ చర్చనీయాంశంగా మారింది.
I don’t know when the film loving @ssrajamouli ‘s RRR will come to save theatres ,but am glad that the Jagan loving RRR (Raghu Ramakrishna Raju) already came to save YSRCP and that’s only because he really truly loves @ysjagan
— Ram Gopal Varma (@RGVzoomin) June 26, 2020