``ఓ దర్శ‌కుడు ఓ సినిమాను తీయ‌డానికి చాలా క‌ష్ట‌ప‌డ‌తాడు. ఏ ద‌ర్శ‌కుడు చెత్త సినిమా తీయాల‌ని అనుకోడు. నిజంగా డైరెక్ట‌ర్ అలాగే ఆలోచిస్తాడ‌ని ఎవ‌రైనా అనుకుంటే మాత్రం వాళ్లంతా వెర్రి వెధ‌వ‌లు`` అని అన్నాడు డైరెక్ట‌ర్ రామ్ గోపాల్ వ‌ర్మ‌. ఈయ‌న ఓ రీసెంట్ ఇంట‌ర్వ్యూలో మాట్లాడుతూ చాలా విష‌యాల‌పై చ‌ర్చించారు. రీసెంట్‌గా ఆయ‌న త‌ను ప్ర‌క‌టించిన సినిమాలు గురించి కూడా మాట్లాడారు. తాను ప్ర‌క‌టించిన నయీం, శ‌శిక‌ళ సినిమాలు రావ‌ని తేల్చి చెప్పేశాడు. సినిమా ప్ర‌క‌టించిన త‌ర్వాత ఆ సినిమాను చేయ‌క‌పోవ‌డం అంటే నేనేదో మాట‌పై నిల‌బ‌డ‌లేద‌ని అర్థం కాదు. న‌యీం, శ‌శిక‌ళ‌తో పాటు నాకు గుర్తు లేని మ‌రో ప‌ది చిత్రాలు కూడా ఉండొచ్చు. మ‌న చాలా విష‌యాల‌ను చ‌ర్చిస్తుంటాం.

అలాగే నా ప‌రిధిలోకి వ‌స్తే నేను సినిమాలు గురించి చ‌ర్చిస్తున్న‌ప్పుడు ఆ ఐడియాలు అలా వ‌చ్చ‌శాయి. దాదాపు నేను ప్ర‌క‌టించిన సినిమాల‌న్నీ వ‌చ్చాయి. అలాగే నేను చేసిన‌న్ని సినిమాలు ఎవ‌రూ చేయ‌లేదు. ఒక ఐడియాలో ఉన్న‌ప్పుడు మూడ్ మారితే అలా వెళ్లిపోతాను. అంతే త‌ప్ప నాకేదో నిర్మాత‌లు దొర‌క్క నేను సినిమాలు చేయ‌డం లేద‌ని చెప్ప‌డం క‌రెక్ట్ కాదు. ప్ర‌స్తుతం నేను మూడు సినిమాలు, మూడు వెబ్ సిరీస్‌లు చేస్తున్నాను అని త‌న సినిమాలు, వెబ్ సిరీస్‌ల‌పై ఓ క్లారిటీ ఇచ్చాడు వివాద‌స్ప‌ద ద‌ర్శ‌కుడు రామ‌గోపాల్ వ‌ర్మ‌.