సంచ‌ల‌న ద‌ర్శ‌కుడు రామ్ గోపాల్ వ‌ర్మ తెర‌కెక్కించిన తాజా చిత్రం వంగ‌వీటి. విజ‌య‌వాడ‌లో జ‌రిగిన యధార్ధ సంఘ‌ట‌న‌ల ఆధారంగా వ‌ర్మ రూపొందిస్తున్న వంగ‌వీటి చిత్రం వివాద‌స్ప‌ద‌మౌతుంది. వంగ‌వీటి రాధాకృష్ణ వ‌ర్మ వాస్త‌వాల‌కు విరుద్ధంగా ఈ చిత్రాన్నిరూపొందిస్తున్నారు అంటూ హైకోర్టులో పిటిష‌న్ వేసారు. అయితే...ఈ చిత్రంలోని వివాద‌స్ప‌ద‌మైన క‌మ్మ కాపు సాంగ్ ను తొల‌గిస్తాను అని వ‌ర్మ హామీ ఇవ్వ‌డంతో కోర్టు కేసు కొట్టేసిన విష‌యం తెలిసిందే.

వంగ‌వీటి ఆడియో ఫంక్ష‌న్ ఈరోజు విజ‌య‌వాడ‌లో జ‌ర‌గ‌నుంది. ఈ సంద‌ర్భంగా ఈరోజు వ‌ర్మ వంగ‌వీటి రాధాకృష్ణ‌ను క‌లిసారు. ఈ విష‌యాన్నివ‌ర్మ ట్విట్ట‌ర్ ద్వారా తెలియ‌చేస్తూ....రాధా, రాధా త‌ల్లిని క‌లిసాను. మా మీటింగ్ అంత బాగా ఏమీ జ‌ర‌గ‌లేదు. అయినా నేనే మాత్రం రాజీప‌డ‌ను. నేను చాలా సీరియ‌స్ వార్నింగ్స్ చూసాను. ఫ‌స్ట్ టైమ్ న‌వ్వుతూ ఇచ్చే సీరియ‌స్ వార్నింగ్స్ చూసాను. అయినా వంగ‌వీటి గురించి నేను ఏమి అనుకుంటున్నానో అది చూపిస్తాను నేను కాంప్ర‌మైజ్ కాను అంటున్నారు. రిలీజ్ కి ముందే వివాద‌స్ప‌ద‌మైన వంగ‌వీటి రిలీజ్ త‌ర్వాత ఏం జ‌ర‌గ‌నుందో చూడాలి..!