కొన్ని నెల‌లుగా సోష‌ల్ మీడియాలో సైలెంట్‌గా ఉన్న వివాద‌స్ప‌ద ద‌ర్శ‌కుడు నేడు ఉన్న‌ట్లుండి మెసేజ్ పెట్టడంతో తాను ఏం మార‌లేద‌ని మరోసారి ప్రూవ్ చేసుకున్నారు. ఈసారి ఏకంగా నంద‌మూరి ఫ్యామిలీ, అభిమానుల‌తో సున్నం పెట్టుకోవాల‌నుకున్నాడేమో! .. వివ‌రాల్లోకెళ్తే.. ఎన్టీఆర్ బ‌యోపిక్‌ను తేజ ద‌ర్శ‌క‌త్వంలో అనౌన్స్ చేసినప్పుడే వ‌ర్మ కూడా త‌న ల‌క్ష్మీస్ ఎన్టీఆర్ గురించి అనౌన్స్ చేశాడు. ఇప్పుడు తేజ స్థానంలో క్రిష్ మారాడు. ఎన్టీఆర్ బ‌యోపిక్ రెండు భాగాలుగా విడుద‌ల కానుంది.

తొలి పార్ట్ క‌థానాయకుడు జ‌న‌వ‌రి 9న విడుద‌ల‌వుతుంటే... రెండో పార్ట్ `మ‌హానాయ‌కుడు` రిపబ్లిక్ డేనాడు విడుద‌ల‌వుతుంది. అయితే ఇప్పుడు ఇన్నిరోజులు కామ్‌గా ఉన్న వ‌ర్మ ఇప్పుఉ మ‌ళ్లీ లక్ష్మీస్ ఎన్టీఆర్ గురించి ట్వీట్ చేశాడు. విజ‌య‌ద‌శ‌మి సంద‌ర్భంగా తిరుప‌తి వెంక‌టేశ్వ‌ర‌స్వామి పాదాల చెంత ముహుర్తం చేయ‌బోతున్నానని.. త‌న కెరీర్‌లో ముహూర్తం జ‌రుప‌బోతున్న తొలి చిత్ర‌మిదేన‌ని.. అది కూడా ఎన్టీఆర్ మీద గౌర‌వంతో చేస్తున్నాన‌ని. ముంబైకి చెందిన జి.వి. ఫిలింస్ అధినేత బాలా గిరి స‌మ‌ర్ప‌ణ‌లో రాకేష్ రెడ్డి ఈ చిత్రాన్ని నిర్మిస్తారు. జ‌న‌వ‌రి చివ‌రి వారంలో సినిమా విడుద‌ల చేస్తాన‌ని ప్ర‌క‌టించారు. దీనిపై నంద‌మూరివారు ఎలా స్పందిస్తారో చూడాలి.