వివాద‌స్ప‌ద ద‌ర్శ‌కుడు రాంగోపాల్ వ‌ర్మ‌, త‌న‌కు వ్య‌తిరేకంగా జ‌రిగే విష‌యాన్ని ఓ ప‌ట్టాన వ‌దిలిపెట్ట‌డు. ఎన్టీఆర్ బ‌యోపిక్‌ను వ‌ర్మే తెర‌కెక్కిస్తాడ‌ని ముందుగా వార్తలు వినిపించాయి. అయితే త‌ర్వాత తేజ లైన్‌లోకి వ‌చ్చాడు. తేజ నుండి ఇప్పుడు క్రిష్ ప‌గ్గాలందుకుని సినిమాను పూర్తి చేశాడు. అయితే వ‌ర్మ తీరు మాత్రం ప‌గ పెంచేసుకున్న‌ట్లు క‌న‌ప‌డుతుంది.

ఎందుకంటే క్రిష్ ద‌ర్శ‌క‌త్వంలో బాల‌కృష్ణ న‌టిస్తూ నిర్మిస్తున్న ఎన్టీఆర్ బ‌యోపిక్ 'య‌న్‌.టి.ఆర్‌'కు భిన్నంగా 'ల‌క్ష్మీస్ ఎన్టీఆర్‌'ను వ‌ర్మ స్టార్ట్ చేశాడు. ఎన్టీఆర్ రాజకీయ ప్ర‌స్థానాన్ని తెలియ‌జేసే 'య‌న్‌.టి.ఆర్ మ‌హానాయ‌కుడు' ఫిబ్ర‌వ‌రి 7న విడుద‌ల‌య్యే అవ‌కాశాలున్నాయ‌ని అంటున్నారు. దీన్నిటార్గెట్ చేసుకుని ఎన్టీఆర్ రాజ‌కీయ చ‌ర‌మాంకంలో ప‌డ్డ ఇబ్బందుల‌ను ల‌క్ష్మీస్ ఎన్టీఆర్‌లో చూపిస్తున్న వ‌ర్మ సినిమాను ఫిబ్ర‌వ‌రి 8న విడుద‌ల చేయాల‌నుకుంటున్నాడ‌ట‌.

ఇప్పుడు మ‌రో అడుగు ముందుకేసి.. ఎన్టీఆర్ ఆడియో ఈ నెల 21న విడుద‌ల‌వుతుంది. అదే రోజు సాయంత్రం వ‌ర్మ లక్ష్మీస్ ఎన్టీఆర్‌లోని వెన్నుపోటు ఫ‌స్ట్ లుక్ ను విడుద‌ల చేస్తున్న‌ట్లు ప్ర‌క‌టించ‌డం గ‌మ‌నార్హం. మ‌రి దీని పై నంద‌మూరి వ‌ర్గం ఎలా స్పందిస్తుందో చూడాలి. అయితే జ‌రిగే వ్య‌వ‌హారం చూస్తుంటే బాల‌కృష్ణ‌ను వ‌ర్మ రెచ్చ‌గొట్టే ప్ర‌య‌త్న‌మైతే చేస్తున్నాడ‌నేది క్లియ‌ర్‌గా తెలుస్తుంది.