సంచలన దర్శకుడికి దాదాపు ఎవరూ సలహా ఇచ్చే సాహసం కానీ లేదంటే ఛాలెంజ్‌లు విసిరే సాహసం కానీ చేయలేరు. ఎందుకంటే ఆయన నుంచి ఎలాంటి రిప్లై వస్తుందోనన్న భయంతో కామ్‌గా ఉండిపోతారు. కానీ దర్శకధీరుడు రాజమౌళి మాత్రం ఓ ఛాలెంజ్ విసిరారు. తన వరకూ బహుశా వర్మ మంచిగానే స్పందిస్తారని ఆయన ఊహించి ఉండవచ్చు. కానీ రామ్ గోపాల్ వర్మ మాత్రం తన స్టైల్లో రిప్లై ఇచ్చారు. మెగా పవర్ స్టార్ రామ్ చరణ్ విసిరిన గ్రీన్ ఇండియా ఛాలెంజ్‌ని స్వీకరించిన ఆయన తన టీంతో కలిసి మొక్కలు నాటారు. ః

అంత వరకూ బాగానే ఉన్నప్పటికీ.. రాజమౌళి ఈ కార్యక్రమానికి దర్శకులు రామ్ గోపాల్ వర్మ, పూరి జగన్నాథ్, వివి వినాయక్‌ను నామినేట్ చేశారు. మిగిలిన ఇద్దరి సంగతేమో కానీ.. రామ్ గోపాల్ వర్మ మాత్రం స్పందించారు. తను ఏ ఛాలెంజ్‌ను స్వీకరించలేనని వెల్లడించారు. తనకు మట్టి ముట్టడమంటే అసహ్యమని తెలిపారు. ‘‘రాజమౌళి సర్.. నేను ఏ గ్రీన్‌ని కానీ.. ఛాలెంజ్‌ను కానీ స్వీకరించలేను. అందునా నాకు మట్టి ముట్టడమంటే అసహ్యం. మొక్కలు నాటే అర్హత మంచి వ్యక్తులకు మాత్రమే ఉంది. నాలా సెల్ఫిష్‌గా ఉండే వ్యక్తులు నాటకూడదు. మీకు, మీ మొక్కలకు ఆల్ ది బెస్ట్’’ అని వర్మ ట్వీట్ చేశారు.

Sir @ssrajamouli I am neither into green nor into challenges and I hate touching mud ..The plants deserve a much better person and not a selfish B like me ..Wish u and ur plants all the best ?? https://t.co/xusQ1a1ftR

— Ram Gopal Varma (@RGVzoomin) November 11, 2020