వివాద‌స్పద ద‌ర్శ‌కుడు రామ్‌గోపాల్ వ‌ర్మ‌కు ఇప్పుడు ఏకైక స్నేహితుడు సోష‌ల్ మీడియానే. సాధార‌ణ స‌మ‌యాల్లోనే సోషల్ మీడియాను ప్ర‌ధాన ఆయుధంగా చేసుకునే వ‌ర్మ ఇలాంటి క‌రోనా క్వారంటైన్ స‌మ‌యాల్లోనూ సోష‌ల్ మీడియానే న‌మ్ముకున్నాడు. రీసెంట్‌గా బెంగాల్ ముఖ్యమంత్రి మ‌మ‌తాబెన‌ర్జీ మ‌ద్యాన్ని డోర్ డెలివ‌రీ చేయ‌బోతున్నారంటూ వార్తలు వచ్చాయి. దీనిపై స్పందించిన వ‌ర్మ‌. తెలుగు రాష్ట్రాల ముఖ్య‌మంత్రులు కూడా దీనిపై స్పందించి ప్ర‌జ‌ల‌కు మ‌ద్యాన్ని అందుబాటులోకి తీసుకు రావాలంటూ ట్వీట్ చేసి కేసీఆర్‌, జ‌గ‌న్‌, కేటీఆర్‌ల‌ను ట్యాగ్ చేశాడు. అందుకు కేటీఆర్ త‌న‌కేమీ అర్థం కాన‌ట్లు వ‌ర్మ‌గారు మీరు మాట్లాడేది హెయిర్ క‌ట్ గురించే క‌దా అని రిప్ల‌య్ ఇచ్చాడు.

అప్పుడు ఏమీ స్పందించని వ‌ర్మ‌మళ్లీ స్పందించాడు. కేటీఆర్ స‌ర్‌...మీ రిప్లై చూసుకోలేదు. మీలో హ‌స్య చ‌తుర‌త అంటే నాకెంతో ఇష్టం. మీ బాక్సింగ్ పంచ్‌కి నా ముక్కు ఎర్ర‌గా కందిపోయింది. క‌రోనా నివార‌ణ‌కు మీ ప్ర‌భుత్వం తీసుకుంటున్న చ‌ర్య‌ల‌ను అభినందిస్తున్నాను అంటూ ట్వీట్ చేశాడు. వ‌ర్మ చేసిన ట్వీట్‌కు కేటీఆర్ ఈసారి రిప్ల‌య్ ఇవ్వ‌లేదు కానీ.. లైక్ మాత్రం చేశాడు.