టాలీవుడ్ వివాదాస్పద దర్శకుడు రామ్‌గోపాల్ వర్మ పుట్టిన రోజు కీలక నిర్ణయం తీసుకున్నారు. ఇన్ని రోజులుగా దర్శకుడిగా, నిర్మాతగా, కథా రచయితగా, గాయకుడిగా ఎన్నో వేల మంది మనసులు గెలుచుకున్న ఆర్జీవీ ఇక సినిమాల్లో నటించాలని ఫిక్స్ అయ్యారు. పుట్టిన రోజు సందర్భంగా ఓ సినిమాలో నటిస్తున్నట్లు ఆర్జీవీ అధికారికంగా ప్రకటించారు.

‘గన్‌ షాట్‌’ ఫిలిమ్స్‌ సంస్థ తొలి ప్రయత్నంగా ‘కోబ్రా’ అనే చిత్రాన్ని తెరకెక్కించబోతోంది. ఈ సినిమాలో ఆర్జీవీ తొలిసారిగా నటుడిగా వెండితెరకు పరిచయం కాబోతున్నాడు. కాగా ఇందుకు సంబంధించి పూర్తి వివరాలు త్వరలో వెల్లడికానున్నాయి. మొత్తానికి చూస్తే.. ఇన్ని తెరవెనుక ఉండి ఎంతో మందికి లైఫ్ ఇచ్చిన ఆర్జీవీ త్వరలోనే తెరపై కనిపించనున్నాడన్న మాట.

అయితే తన దర్శకత్వంతో ఎంతో మంది హీరోలకు స్టార్ ఇమేజ్ ఇచ్చిన ఆర్జీవీ.. తన నటనతో ఏ మాత్రం మెప్పిస్తాడో వేచి చూడాల్సిందే. కాగా ఆర్జీవీ ప్రకటనతో అభిమానులు, సినీ ప్రియులు ఆనందంలో మునిగితేలుతున్నారు. ఇన్ని రోజులు ఇంటర్వ్యూలు, ప్రెస్‌‌మీట్‌‌లలోనే ఆయన రియల్‌ వ్యవహారాలు చూసిన అభిమానులు.. తెరపై ఎలా కనిపిస్తారా అని సర్వత్రా ఆసక్తి నెలకొంది.