కంగనా సీఎం అయ్యేలా ఉంది: వ‌ర్మ
- IndiaGlitz, [Wednesday,September 09 2020]
వివాదాస్ప‌ద ద‌ర్శ‌కుడు రామ్‌గోపాల్ వ‌ర్మ నటి కంగనా ర‌నౌత్‌ను ఉద్దేశించి పెద్ద ట్వీటే చేశాడు. సుశాంత్ అనుమానాస్ప‌ద మృతి త‌ర్వాత బాలీవుడ్‌లో ఎన్నో ర‌కాల ప‌రిణామాలు జ‌రిగాయి. ముఖ్యంగా బాలీవుడ్ క్వీన్ కంగనా ర‌నౌత్ నెపోటిజంపై పోరాటం చేస్తుంది. ఓ ర‌కంగా చెప్పాలంటే కంగనా చేసిన గొడ‌వ‌తో కేంద్ర ప్ర‌భుత్వం కేసును సీబీఐకి అప్ప‌గించింది. ఇప్పుడు డ్ర‌గ్స్ మాఫియా వ్య‌వ‌హారం వెలుగులోకి వ‌చ్చింది. మ‌రో వైపు కంగనా మహారాష్ట్ర ప్ర‌భుత్వానికి వ్య‌తిర‌రేకంగా కూడా మాట్లాడింది. అలా మాట్లాడిందో లేదో కంగనా ఆఫీస్ అక్ర‌మ క‌ట్ట‌డం అంటూ బీఎంసీ అధికారులు కూల్చేశారు. అయితే కూల్చివేత‌పై కంగనా ముంబై హైకోర్టును ఆశ్ర‌యించింది. కూల్చివేత‌ల‌ను నిలిపి వేయాల‌ని, దీనిపై అధికారులు వివ‌ర‌ణ ఇవ్వాల‌ని కోర్టు అధికారుల‌ను ఆదేశించింది. అయితే అప్ప‌టికే దాదాపు క‌ట్ట‌డాన్ని అధికారులు కూల్చేశారు. రేపు కోర్టులో అధికారులు వివ‌ర‌ణ ఇవ్వ‌నున్నారు.
ప‌లువురు ప్ర‌ముఖులు కంగనా వ్య‌వ‌హారంపై ముంబై ప్ర‌భుత్వం వ్య‌వ‌హ‌రించిన తీరు స‌రిగ్గా లేదంటూ విమ‌ర్శ‌లు చేస్తున్నారు. ఈ క్ర‌మంలో ‘‘జరిగే పరిణామాలను చూస్తుంటే.. భవిష్యత్తులో మహారాష్ట్ర సీఎంగా అయ్యే అవ‌కాశాలు కంగ‌నాకు ఎక్కువ‌గా ఉన్నాయ‌ని, ఒక‌వేళ ఆమె నిజంగానే మహారాష్ట్ర సీఎం అయితే బాలీవుడ్ ప్ర‌ముఖులంద‌రూ టింబెక్టు ప్రాంతానికి వెళ్లిపోవాల్సిందే’’ అని తెలిపారు వ‌ర్మ.
When KANGANA will become CM. ARNAB GOSWAMI will become PM ,SHIV SENA will disappear , MUMBAI POLICE will be replaced by REPUBLIC TV and CONGRESS will escape to ITALY —- GOD
— Ram Gopal Varma (@RGVzoomin) September 9, 2020