వివాదాలకు కేరాఫ్‌గా పేరుగాంచిన.. వివాదాలే ఊపిరిగా భావించే రామ్‌గోపాల్ వర్మ ‘కమ్మరాజ్యంలో కడపరెడ్లు’ అనే మూవీతో మరో సంచలనానికి తెరలేపుతున్న విషయం విదితమే. అయితే దీపావళి కానుకగా ఈ చిత్రానికి సంబంధించిన ట్రైలర్‌ను రిలీజ్ చేశారు. కాగా ట్రైలర్‌లో ఉన్నది 02:51 నిమిషాలే అయినా సినిమా ఏ రేంజ్‌లో ఉంటుందో ఆర్జీవీ చెప్పేశారు. సినిమాలో పాత్రలకు వరకూ అంతా ఓకే పాత్రధారులంతా ఎవరికి వారుగా.. నటించమంటే జీవించేంత రేంజ్‌లో నటన ఉంది. ఈ వివాదాస్పద సినిమాకు సంబంధించిన ఫస్ట్‌లుక్స్, ట్రైలర్స్‌ వదలగా మంచి రెస్పాన్స్ వచ్చింది. దీంతో వివాదాలు మరింత రాజుకున్నాయి. ఈ క్రమంలో ఆర్జీవీతో ఇంటర్వ్యూ చేయడానికి టీవీ చానెళ్లకు పోటీపడి పిలిచుకుంటున్నాయి.

‘పప్పు’ వడ్డిస్తే తప్పేంటి!?

కాగా.. ఈ ట్రైలర్‌లో నారా లోకేష్ పాత్రధారుడు కూర్చొని భోజనం చేస్తుండగా చంద్రబాబు వచ్చి లోకేష్‌కు ‘పప్పు’ కాస్త వేస్తాడు. అయితే ఈ సన్నివేశాలను ఆర్జీవీ కావాల్సిందే రెచ్చగొట్టడానికే చేస్తున్నారని రాజకీయ నేథలు, పలువురు ప్రముఖులు తీవ్ర స్థాయిలో విమర్శలు వెల్లువెత్తుతున్నాయ్. తాజాగా ఇంటర్వ్యూలో నారా లోకేష్, చంద్రబాబు పాత్రలపై ఆర్జీవీ క్లారిటీ ఇచ్చుకున్నారు. ‘పప్పు’ వ్యవహారంపై ప్రస్తావన రాగా ఆర్జీవీ స్పందిస్తూ చాలా లాజిక్‌గా, అమాయకంగా జవాబు చెప్పారు. ‘చంద్రబాబు... లోకేష్‌కు పప్పు వడ్డిస్తే తప్పేంటి..?. దీన్ని ఎందుకు అంతా అలా భూతద్దంలో పెట్టి చూస్తున్నారు..?. అబ్బే.. అసలు లోకేష్‌ను అంతా పప్పు అంటారన్న విషయం కూడా నాకు తెలియదు. ఒక తండ్రి తన కుమారుడికి ప్రేమతో భోజనం వడ్డిస్తుంటే.. అందులో తప్పేంటి..? ఇక పప్పు చాలామంది ఇళ్లలో డైలీగా వండుకుంటారు’ అని ఆర్జీవీ వెటకారంగా, తనదైన మ్యానరిజంతో సమాధానమిచ్చారు.