టాలీవుడ్ వివాదాస్పద దర్శకుడు రాంగోపాల్ గురించి ప్రత్యేకంగా చెప్పనక్కర్లేదు. ‘నా రూటే సెపరేటు.. నేనెళ్లిందే రహదారి.. అంతా నా ఇష్టం’ అంటూ ఆర్జీవీ అనుకుంటుంటారు. మరీ ముఖ్యంగా సినిమాలకు సంబంధించి ఆడియో ఫంక్షన్, ప్రీ రిలీజ్ ఈవెంట్స్, సక్సె్స్ మీట్స్ ఇలాంటివేమీ లేకుండా తన సినిమాలకు తానే సోషల్ మీడియాలో ఫుల్ ప్రమోషన్స్ చేసేస్తుంటారు. ఇక త్వరలోనే అనగా జనవరి-01కు ‘బ్యూటీఫుల్’ సినిమాతో ఆర్జీవీ ప్రేక్షకుల ముందుకు రానున్నాడు. ఇప్పటికే ప్రమోషన్స్ మొదలుపెట్టేసిన ఆర్జీవీ.. ఇటీవల హీరోయిన్ నైనా గంగూలితో కలిసి స్టేజ్‌పై స్టెప్పులు ఇరగదీశారు. అయితే.. త్వరలోనే వైజాగ్ వేదికగా మ్యూజికల్ ఈవెంట్‌ను నిర్వహిస్తున్నట్లు ఆర్జీవీ ప్రకటించారు. ఈ ఈవెంట్ విశాఖపట్నంలో ఈనెల 27న జరగనుంది. మద్దిలపాలెంలో ఉన్న సీఎంఆర్ మాల్‌లో 27 సాయంత్రం 4.30 గంటలకు మొదలు కానుంది. ఈ కార్యక్రమానికి నైనా గంగూలీ, హీరో సూరి, దర్శకుడు అగస్త్య మంజు విచ్చేయనున్నారు.

ఇప్పటి వరకూ నేను.. ఇక మీరు!

అభిమానులు, సినీ ప్రియులు, కుర్రాళ్లు ఈ ఈవెంట్‌లో పాల్గొని విజయవంతం చేయాలని కోరారు. అంతటితో ఆగని ఆయన.. వైజాగ్ కుర్రాళ్లకు ఓ బంపరాఫర్ కూడా ఇచ్చారు. ‘ఈవెంట్‌లో ఒక కాంటెస్ట్ నిర్వహిస్తాం. ఇందులో గెలిచిన వారు హీరోయిన్ నైనా గంగూలీతో డ్యాన్స్ చేయొచ్చు. అదే రోజు సాయంత్రం 6 గంటలకు జగదాంబలో నిర్వహించే కార్యక్రమంలో హీరోయిన్‌తో డ్యాన్స్ చేయిస్తాం. గెట్ రెడీ వైజాగ్ బోయ్స్..’ అని ఆర్జీవీ ఆఫరిచ్చారు. అంటే ఇంతవరకూ నేనే డ్యాన్స్ కూడా ఇక మీరు కూడా నైనాతో డ్యాన్స్ చేయండని చెబుతున్నారన్న మాట. మరి గంగూలితో కలిసి డ్యాన్స్ చేసే అదృష్టం ఎవరికి దక్కుతుందో తెలియాలంటే ఎల్లుండి వరకు వేచి చూడాల్సిందే మరి.