త‌రుణ్ అంటే నువ్వేకావాలి త‌రుణ్ కాదండీ..ఉయ్యాలా జంపాల రాజ్ త‌రుణ్. తాజాగా రాజ్ త‌రుణ్ కుమారి 21 ఎఫ్ మూవీతో ప్రేక్ష‌కుల ముందుకు వ‌చ్చాడు. ఉయ్యాల జంపాల‌, సినిమా చూపిస్త మామ‌, కుమారి 21 ఎఫ్...ఈ మూడు చిత్రాల‌తో హ్యాట్రిక్ సాధించి సెన్సేష‌న్ క్రియేట్ చేసాడు. సంచ‌ల‌న ద‌ర్శ‌కుడు రామ్ గోపాల్ వ‌ర్మ కుమారి 21 ఎఫ్ మూవీ చూసి బాగా ఇంప్రెస్ అయ్యాడు. అందుక‌నే హీరో రాజ్ త‌రుణ్ ని చూసి స్టార్ హీరోల కొడుకులు పాఠాలు నేర్చుకోవాలంటున్నాడు. బాహుబ‌లి లాంటి భారీ చిత్రాలు..క‌థా బ‌లం ఉన్న భ‌లే భ‌లే మ‌గాడివోయ్, కుమారి 21 ఎఫ్ చిత్రాలు మాత్ర‌మే విజ‌యం సాధిస్తాయి అంటూ ట్వీట్స్ చేసాడు.

ఓ వైపు కుమారి 21 ఎఫ్ టీమ్ ను అభినందిస్తూనే...మ‌రో వైపు స్టార్ హీరోల‌ కొడుకులు, యువ హీరోల‌పై సెటైర్స్ వేసాడు. రాజ్ త‌రుణ్ తో వ‌ర్మ తెర‌కెక్కించే సినిమా త్వ‌ర‌లో సెట్స్ పైకి వెళ్ల‌నుంది. మ‌రి..వ‌ర్మ ట్వీట్స్ పై రాజ్ త‌రుణ్ ఎలా స్పందిస్తాడో..?