கீர்த்தி சுரேஷ் முக்கிய வேடத்தில் நடித்த "ரிவால்வர் ரீட்டா" என்ற திரைப்படத்தின் டீசர் சற்று முன் வெளியான நிலையில், இந்த டீசர் வீடியோ தற்போது இணையத்தில் வைரல் ஆகி வருகிறது.

இரண்டு திருடர்கள் கீர்த்தி சுரேஷிடம் இருந்து பேக்கை பறித்து கொண்டு செல்கின்றனர். தங்களுடைய இருப்பிடத்திற்கு சென்று அந்த பேக்கை சோதனை செய்தபோது, அதில் துப்பாக்கி, ரத்தக்கறை படிந்த கத்தி மற்றும் பாம் உள்ளன.

இதனை அடுத்து அங்கு வரும் கீர்த்தி சுரேஷிடம், "நீங்க யாருங்க? அண்டர்கிரவுண்ட் போலீசா?" என ஒருவர் கேட்க, மற்றொருவர் "அக்கா, நீங்க பெரிய டானா என்று கேட்கிறார். அதற்கு கீர்த்தி சுரேஷ் "இல்லை" என்று பதிலளிக்கிறார். அப்போது மற்றொருவர் "எதைக் கேட்டாலும் இல்லைன்னு சொல்ற, யாருடி நீ?" என்று கேட்க, பிளாஷ்பேகில் கீர்த்தி சுரேஷ் ரிவால்வரை எடுத்து சுடும் காட்சிகளுடன் இந்த டீசர் முடிவடைகிறது.

கீர்த்தி சுரேஷ், ராதிகா சரத்குமார், அஜய் கோஷ், ரெடின் கிங்ஸ்லி, சூப்பர் சுப்பராயன், ஜான்விஜய் உள்ளிட்ட பலர் நடிப்பில் உருவாகியுள்ள இந்த படத்தை சந்துரு இயக்கியுள்ளார். சீன் ரோல்டன் இசையில், தினேஷ் கிருஷ்ணன் ஒளிப்பதிவில், பிரவீன் படத்தொகுப்பில் உருவாகியுள்ள இந்த படம் விரைவில் வெளியாக உள்ளது.

இன்றைக்கு கீர்த்தி சுரேஷின் பிறந்தநாளை முன்னிட்டு வெளியான இந்த டீசர் வீடியோ இணையத்தில் வைரல் ஆகி வரும் ரசிகர்கள் அவருக்கு பிறந்த நாள் வாழ்த்துக்களை தெரிவித்து வருகின்றனர்.