செவ்வாய் கிரகத்தில் இருந்து வந்தவர்களுக்கு இதெல்லாம் புரியாது: பிரபல நடிகருக்கு ரேவதி கண்டனம்
- IndiaGlitz, [Friday,November 23 2018]
கடந்த சில மாதங்களாகவே இந்திய திரையுலகில் மீடூ பரபரப்பு ஏற்பட்டுள்ளது. இந்த மீடூ ஒரு விளம்பர இயக்கம் என்று ஒருசிலரும், பெண்கள் தங்களுக்கு நேர்ந்த பாலியல் தொல்லைகளை வெளியே கூற கிடைத்திருக்கும் வாய்ப்பு என்று ஒருசிலரும் கூறி வருகின்றனர்.
இந்த நிலையில் இதுகுறித்து சமீபத்தில் கருத்து கூறிய மலையாள சூப்பர் ஸ்டார் மோகன்லால், 'மீடு குற்றச்சாட்டு என்பது தற்போது ஒரு பேஷனாகிவிட்டது. இந்த இயக்கம் விரைவில் காணாமல் போய்விடும் என்று கூறினார்.
மோகன்லாலின் இந்த கருத்துக்கு நடிகைகள் பலர் கண்டனம் தெரிவித்து வரும் நிலையில் நடிகை ரேவதியும் சமூக வலைத்தளத்தில் மோகன்லாலுக்கு மறைமுகமாக கண்டனம் தெரிவித்துள்ளார். 'நடிகை அஞ்சலி மேனன் கூறியது பொல் செவ்வாய் கிரகத்தில் இருந்து வந்தவர்களுக்கு பெண்களுக்கு ஏற்படும் தொல்லைகள், அதை வெளியே சொல்ல முடியாமல் தவிப்பது போன்றவை புரியாது. பிரபல நடிகர்களே இப்படி இருந்தால் எப்படி மாற்றம் வரும்? என்று ரேவதி தெரிவித்துள்ளார்.