ஜோதிகாவுடன் முதல்முறையாக இணையும் ரேவதி!
- IndiaGlitz, [Sunday,February 10 2019]
கடந்த 2000ஆம் ஆண்டுகளில் முன்னணி நடிகையாக இருந்த நடிகை ஜோதிகா, திருமணத்திற்கு பின் '36 வயதினிலே' என்ற படத்தின் மூலம் ரீ எண்ட்ரி ஆனார். அதன்பின் 'நாச்சியார்', 'மகளிர் மட்டும்', செக்க சிவந்த வானம்', 'காற்றின் மொழி' போன்ற படங்களில் நடித்த ஜோதிகா தற்போது ராஜ் என்பவர் இயக்கி வரும் படம் ஒன்றில் ஆசிரியை வேடத்தில் நடித்து வருகிறார்.
இந்த நிலையில் சூர்யாவின் 2D எண்டர்டெயின்மெண்ட் நிறுவனம் தயாரிக்கும் படம் ஒன்றிலும் ஜோதிகா நடிக்கவுள்ளார். இன்னும் டைட்டில் வைக்கப்படாத இந்த படத்தின் பூஜை இன்று நடைபெற்றது.
எஸ்.கல்யாண் இயக்கும் இந்த படத்தில் ஜோதிகாவுடன் முதல்முறையாக ரேவதி நடிக்கவுள்ளார். மேலும் இந்த படத்தில் யோகிபாபு, மன்சூர் அலிகான், ஆனந்த்ராஜ் உள்பட பலர் நடிக்கவுள்ளனர். விஷால் சந்திரசேகர் இந்த படத்திற்கு இசையமைக்கவுள்ளார்.