இன்று அதிகாலை வெளியாகியுள்ள 'விஸ்வாசம்' படத்தின் ஃபர்ஸ்ட்லுக்கில் இருந்து அஜித் இந்த படத்தில் இரட்டை வேடத்தில் நடித்துள்ளார் என்பது உறுதியாகியுள்ளது. அஜித் இரட்டை வேடங்களில் நடித்துள்ள பெரும்பாலான படங்கள் மிகப்பெரிய வெற்றியை அடைந்துள்ளன. வாலி, வில்லன், அட்டகாசம், வரலாறு ஆகிய படங்களை உதாரணமாக கூறலாம். அந்த வரிசையில் 'விஸ்வாசம்' படமும் மிகப்பெரிய வெற்றி பெறும் என்று எதிர்பார்க்கப்படுகிறது.

மேலும் இந்த படம் ஒரு பக்கா கமர்ஷியல் படமாக உருவாகி வருகிறது என்று ஏற்கனவே செய்திகள் வெளிவந்த நிலையில் இந்த ஃபர்ஸ்லுக் அதனை நிரூபித்துள்ளது போல் உள்ளது. அதேபோல் நீண்ட இடைவெளிக்கு பின்னர் அஜித்துக்கு ஒரு பக்கா ஓப்பனிங் பாடல் இருப்பதும் இந்த படத்தில்தான்.

கிராமம், நகரம் என இரண்டுவித லொகேஷன்களிலும் இந்த படம் பயணிப்பதாக கூறப்படுவதால் அனைத்து தரப்பினர்களையும் திருப்தி செய்யும் வகையில் இயக்குனர் சிவா இந்த படத்தை உருவாக்கியிருப்பார் என்றே தோன்றுகிறது மொத்தத்தில் அஜித் ரசிகர்களுக்கு மட்டுமின்றி அனைத்து தரப்பினர்களுக்கும் ஒரு பக்கா எண்டர்டெயின்மெண்ட் படம் வரும் பொங்கல் திருநாளில் காத்திருக்கின்றது என்பது மட்டும் உண்மை.