விஜய் ஆண்டனி நடித்த சூப்பர் ஹிட் படமான 'பிச்சைக்காரன்' இயக்குனர் சசி இயக்கவுள்ள அடுத்த படத்தில் சித்தார்த் மற்றும் ஜி.வி.பிரகாஷ் ஆகிய இரண்டு நாயகர்கள் நடிக்கவுள்ளதாக வெளிவந்த செய்தி ஏற்கனவே அறிந்ததே

இந்த நிலையில் இந்த படத்திற்கு தற்போது 'ரெட்டைக்கொம்பு' என்ற டைட்டில் வைக்கப்பட்டுள்ளதாக கூறப்படுகிறது. இந்த படத்தின் டைட்டிலில் இருந்து இதுவும் ஜல்லிக்கட்டு சம்பந்தமான படமாக இருக்கலாம் என ஊகிக்கப்படுகிறது. ஏற்கனவே 'மெர்சல்', 'கருப்பன்' உள்பட ஒருசில படங்கள் ஜல்லிக்கட்டு தொடர்பான படங்கள் கோலிவுட்டில் உருவாகி வருகிறது என்பது குறிப்பிடத்தக்கது.

முதன்முதலாக சித்தார்த், ஜி.வி.பிரகாஷ் இணையும் இந்த படத்தை தேனாண்டாள் நிறுவனம் தயாரித்துவருவதாகவும், இந்த படத்தின் நாயகிகள் உள்பட நடிகர், நடிகையர் தேர்வு செய்யபப்ட்டு வருவதாகவும், மிக விரைவில் இந்த படம் குறித்த அதிகாரபூர்வ அறிவிப்பு வெளிவரும் என்று எதிர்பார்க்கப்படுகிறது.