టాలీవుడ్ టాప్ హీరో, జనసేన అధినేత పవన్ కల్యాణ్ మళ్లీ సినిమాల్లోకి రీ ఎంట్రీ ఇచ్చిన సంగతి తెలిసిందే. ఇప్పటికే రెండు సినిమాలకు పవన్ సంతకం చేయగా.. తాజాగా..వీరాభిమానులకు మైత్రీ మూవీస్ తియ్యటి శుభవార్త అందించింది. పవన్‌తో తమ సంస్థ త్వరలోనే సినిమా చేయబోతోందని అధికారికంగా ట్విట్టర్ వేదికగా ప్రకటించింది. అయితే.. ఈ సినిమా కూడా ఇదివరకే ‘గబ్బర్ సింగ్’ తెరకెక్కించిన హరీశ్ శంకర్‌‌తో ఈ సినిమా కావడం విశేషమని చెప్పుకోవచ్చు.

కీలక పాత్రలో!

అయితే తాజాగా ఇంట్రెస్టింగ్ విషయం వెలుగుచూసింది. పవన్ సినిమాలో రేణు నటిస్తోందన్నదే దాని సారాంశం. పవన్-హరీశ్ శంకర్ సినిమాలో రేణు నటిస్తోందని.. ఆమె పాత్రే సినిమాకు కీలకమని తెలుస్తోంది. ప్రస్తుతం ఇందుకు సంబంధించిన వార్తలు టాలీవుడ్‌లో ఊపందుకున్నాయి. వాస్తవానికి ఈ మధ్యే ఈమె మీడియాతో మాట్లాడుతూ.. మంచి మంచి పాత్రలు వస్తే తాను చేయడానికి రెడీగా ఉన్నానని స్పష్టం చేసింది. ఈ తరుణంలో తాజా రూమర్స్ నిజమయ్యే అవకాశాలు మెండుగా ఉన్నట్లుగా తెలుస్తోంది.

మొత్తం మూడు సినిమాల్లో!

ఇప్పటికే ‘పింక్’ రీమేక్, క్రిష్ దర్శకత్వంలో మరో మూవీ ఉండగా.. తాజాగా మైత్రీ మూవీస్ ప్రకటనతో మొత్తం మూడు సినిమాల్లో పవన్ నటించనున్నారన్న మాట. ‘గబ్బర్ సింగ్’ తర్వాత పవన్-హరీశ్ శంకర్ కాంబినేషన్లో మరోసారి సినిమా వస్తుండటంతో అభిమానుల ఆనందానికి అవధుల్లేకుండాపోయాయి. మరి సినిమా ఎప్పుడు ఉంటుందో..? స్టోరీ ఎలా ఉంటుందో తెలియాలంటే కొన్నిరోజులు వేచి చూడాల్సిందే.