முதன்முதலாக துணிச்சலான முடிவை எடுத்த 'ரெமோ' தயாரிப்பாளர்
- IndiaGlitz, [Wednesday,September 28 2016]
சிவகார்த்திகேயன், கீர்த்திசுரேஷ் நடித்த 'ரெமோ' திரைப்படம் சென்சாரில் 'யூ' சர்டிபிகேட் பெற்று, வரும் அக்டோபர் 7ஆம் தேதி வெளியாவது உறுதியாகியுள்ளது. இந்நிலையில் கடந்த சில வருடங்களாக வெளிநாட்டில் ரிலீசுக்கு முந்தைய நாள் திரையிடப்படும் பிரிமியர் காட்சிகளின் மூலம் தயாரிப்பாளருக்கு ஒரு பெருந்தொகை வசூலாகி வந்தது. ஆனால் அதே நேரத்தில் இந்த பிரிமியர் காட்சிகள் மூலம்தான் திருட்டுடிவிடி பரவுவதாகவும் ஒரு குற்றச்சாட்டு எழுந்து வருகிறது.
இந்நிலையில் திருட்டு டிவிடியை கட்டுப்படுத்த வருமானம் குறைந்தாலும் பரவாயில்லை என்ற எண்ணத்தில் வெளிநாட்டு பிரிமியர் காட்சியே இல்லாமல் 'ரெமோ' திரையிடப்படுகிறது. எனவே தமிழகத்தில் அக்டோபர் 7ஆம் தேதி திரையிடப்படும் காலைக்காட்சிதான் இந்த படத்தின் முதல் காட்சியாக இருக்க போகிறது.
இதன்மூலம் குறைந்தபட்சம் ரிலீஸ் ஆன முதல் நாளில் திருட்டு டிவிடி வெளியாவதை தடுக்க வாய்ப்பு இருப்பதாக கோலிவுட்டில் கூறப்படுகிறது. 'ரெமோ' தயாரிப்பாளரின் இந்த துணிச்சலான முடிவுக்கு நல்ல பலன் கிடைத்தால் மற்ற தயாரிப்பாளர்களும் இதை பின்பற்ற வாய்ப்பு இருப்பதாக கூறப்படுகிறது.