இளம் வெற்றி நாயகி கீர்த்திசுரேஷுக்கு பிறந்த நாள் வாழ்த்துக்கள்
- IndiaGlitz, [Monday,October 17 2016]
சிவாஜி கணேசன் நடித்த 'கீழ்வானம் சிவக்கும்' ரஜினிகாந்த் நடித்த 'நெற்றிக்கண்' உள்பட பல படங்களில் நடித்த 80களின் நாயகி மேனகாவின் மகளும், பிரபல நடிகையுமான கீர்த்திசுரேஷ் இன்று தனது பிறந்த நாளை கொண்டாடுகிறார். இளம் வயதிலேயே வெற்றிகளை குவித்து வரும் அவருக்கு நமது உளங்கனிந்த பிறந்த நாள் வாழ்த்துக்கள்
மலையாளத்தில் குழந்தை நட்சத்திரமாக நடித்து வந்த கீர்த்திசுரேஷை தமிழில் நாயகியாக அறிமுகமாக்கியவர் பிரபல இயக்குனர் கீர்த்திசுரேஷ். முதல் படமான 'இது என்ன மாயம்' திரைப்படம் எதிர்பார்த்த வெற்றியை பெறாவிட்டாலும், அவர் நடித்த இரண்டாவது படமான 'ரஜினிமுருகன்' சூப்பர் ஹிட் வெற்றி பெற்றது. இந்த படத்தின் வெற்றியால் அவருக்கு இளையதளபதி விஜய்யுடன் 'பைரவா' படத்தில் நடிக்க வாய்ப்பு கிடைத்தது என்பது குறிப்பிடத்தக்கது. மேலும் தனுஷுடன் கீர்த்திசுரேஷ் நடித்த 'தொடரி' திரைப்படத்திலும் அவருடைய நடிப்பு சிறப்பாக விமர்சனம் செய்யப்பட்டது.
சூர்யாவுடன் 'தானா சேர்ந்த கூட்டம்', பாபிசிம்ஹாவுடன் 'பாம்பு சட்டை' ஆகிய படங்களில் நடித்து வரும் கீர்த்திசுரேஷ் மென்மேலும் பல வெற்றி படங்களில் நடித்து கோலிவுட்டின் நம்பர் ஒன் இடத்தை பிடிக்க இந்த இனிய பிறந்த நாளில் அவருக்கு மீண்டும் ஒருமுறை நமது வாழ்த்துக்களை தெரிவித்து கொள்கிறோம்.