రెజీనాకి ఇదో ఎక్స్ పీరియన్స్
- IndiaGlitz, [Saturday,November 21 2015]
కొత్త జంట, ప‌వ‌ర్, పిల్లా నువ్వు లేని జీవితం, సుబ్ర‌మ‌ణ్యం ఫ‌ర్ సేల్‌.. వంటి విజ‌యాల‌తో ఆక‌ట్టుకున్న క‌థానాయిక రెజీనా. ప్ర‌స్తుతం ఈ ముద్దుగుమ్మ చేతిలో ఉన్న తెలుగు చిత్రాలు 'సౌఖ్యం', 'శౌర్య'. 'సౌఖ్యం'లో గోపీచంద్ హీరో కాగా.. 'శౌర్య'లో మంచు మ‌నోజ్ క‌థానాయ‌కుడు. ఈ రెండు సినిమాలు నెల రోజుల గ్యాప్‌లో ప్రేక్ష‌కుల ముందుకు రానున్నాయి.
'సౌఖ్యం' క్రిస్మ‌స్ కానుక‌గా డిసెంబ‌ర్ 25 న రానుంటే.. 'శౌర్య' జ‌న‌వ‌రి నెలాఖ‌రులో రానుంది. విశేష‌మేమిటంటే.. ఈ రెండు సినిమాలు కూడా ఆయా క‌థానాయ‌కుల‌కు ఆయా చిత్రాల ద‌ర్శ‌కుల‌తో చేస్తున్న రెండో ప్ర‌య‌త్నాలు కావ‌డం. 'య‌జ్ఞం' తరువాత ఎ.ఎస్‌.ర‌వికుమార్ చౌద‌రితో గోపీచంద్ చేస్తున్న సినిమా 'సౌఖ్యం' కాగా.. 'శ్రీ' తరువాత ద‌శ‌ర‌థ్ డైరెక్ష‌న్‌లో మంచు మ‌నోజ్ చేస్తున్న రెండో సినిమా 'శౌర్య'. మొత్తంగా 'సెకండ్ టైమ్' కాంబినేష‌న్‌ల సినిమాల‌తో రెజీనాకి ఓ కొత్త ఎక్స్‌పీరియ‌న్స్ ఎదుర‌వుతోంద‌న్న‌మాట.