கவுதம் கார்த்திக் நடித்த 'ஹரஹர மகாதேவகி' திரைப்படம் இளைஞர்களிடையே நல்ல வரவேற்பை பெற்று அபாரமான வசூலை தந்து கொண்டிருக்கும் நிலையில் அவர் நடிக்கவுள்ள அடுத்த படத்தை இயக்குனர் திரு இயக்கவுள்ளதாகவும், இந்த படத்தில் கவுதம் கார்த்திக்கின் தந்தை நவரச நாயகன் கார்த்திக் நடிக்கவுள்ளதாகவும் வெளிவந்த செய்தியை ஏற்கனவே பார்த்தோம்

இந்த நிலையில் இந்த படத்தின் நாயகி தேர்வு கடந்த சில நாட்களாக நடைபெற்று வந்த நிலையில் தற்போது 'கேடி பில்லா கில்லாடி ரங்கா', 'மாநகரம், சரவணன் இருக்க பயமேன்' உள்பட பல படங்களில் நடித்த ரெஜினா இந்த படத்தின் நாயகியாக ஒப்பந்தம் செய்யப்பட்டுள்ளார். 

ஏற்கனவே விஷ்ணுவிஷாலுடன் 'சிலுக்குவார்ப்பட்டி சிங்கம், 'செல்வராகவனின் 'நெஞ்சம் மறப்பதில்லை' மற்றும் வெங்கட்பிரபுவின் 'பார்ட்டி' போன்ற படங்களில் நடித்து வரும் ரெஜினாவுக்கு கிடைத்த மற்றொரு நல்ல வாய்ப்பு இந்த படம் என்று கருதப்படுகிறது.

இந்த படத்தின் மற்ற நடிகர், நடிகைகள் மற்றும் தொழில்நுட்ப கலைஞர்களின் தேர்வு நடைபெற்று வருவதாகவும், மிக விரைவில் இந்த படத்தின் படப்பிடிப்பு தொடங்கும் என்றும் கூறப்படுகிறது