ரெஜினாவின் முதல் முயற்சிக்கு குவியும் பாராட்டுக்கள்
- IndiaGlitz, [Saturday,May 05 2018]
கார்த்திக், கவுதம் கார்த்திக் முதன்முதலில் இணைந்து நடித்து வரும் 'Mr.சந்திரமெளலி படத்தின் நாயகியாக நடிகை ரெஜினா நடித்து வந்தார் என்பது தெரிந்ததே. இந்த படத்தின் படப்பிடிப்புகள் முடிவடைந்து தற்போது போஸ்ட் புரடொக்சன்ஸ் பணிகள் விறுவிறுப்பாக நடந்து வருகிறது,
இந்த நிலையில் இந்த படத்திற்காக முதன்முதலில் நடிகை ரெஜினா சொந்தக்குரலில் டப்பிங் பேசியுள்ளார். அவருடைய இந்த முயற்சிக்கு படக்குழுவினர் பாராட்டு தெரிவித்து வருகின்றனர். நடிகை ரெஜினாவிற்கு இந்த படம் அவருடைய திரையுலக வாழ்வில் ஒரு திருப்புமுனையாக இருக்கும் என்றும், இந்த படத்தில் அவர் உச்சகட்ட கவர்ச்சியாக நடித்துள்ளதாகவும் கூறப்படுகிறது.
கார்த்திக், கவுதம் கார்த்திக், ரெஜினா, வரலட்சுமி சரத்குமார், சந்தோஷ் பிரதாப், சதீஷ், மகேந்திரன், அகத்தியன், மிமி கோபி உள்பட பலர் நடித்துள்ள இந்த படத்திற்கு விக்ரம் வேதா' புகழ் சாம் சி.எஸ் இசையமைத்துள்ளார். இந்த படத்தின் ரிலீஸ் தேதி விரைவில் அறிவிக்கப்படவுள்ளது