ఎస్‌.ఎం.ఎస్ సినిమాతో తెలుగు ప్రేక్ష‌కుల‌కు ప‌ల‌క‌రించిన చెన్నై సొగ‌స‌రి రెజీనా క‌సండ్ర కొత్త ట‌ర్న్ తీసుకున్నారు. హీరోయిన్‌గానే కాదు.. పాత్ర న‌చ్చితే నెగిటివ్ షేడ్స్ ఉన్న సినిమాలు చేయ‌డానికి కూడా ఓకే అంటున్నారు. 7, అ! వంటి సినిమాల్లో వైవిధ్య‌మైన పాత్ర‌ల్లో ఆమె అల‌రించారు. ఇప్పుడు తొలిసారి ఓ స్పెష‌ల్ సాంగ్‌లోనూ నర్తించారు. ప్రస్తుతం లాక్‌డౌన్ స‌మ‌యంలో రెజీనా ఎక్క‌డ క‌న‌ప‌డ‌నేలేదు. సోష‌ల్ మీడియాకు కూడా దూరంగా ఉన్నారు. అస‌లు రెజీనాకు ఏమైంది అని అంద‌రూ అనుకున్నారు కూడా.

అయితే రెజీనా ఉన్న‌ట్లుండి సోష‌ల్ మీడియాలో ప్ర‌త్య‌క్ష‌మ‌య్యారు. అది కూడా స‌రికొత్త లుక్‌లో. ఇంత‌కు రెజీనా క‌న‌ప‌డ్డ లుక్ ఏంటో తెలుసా? రెట్రో లుక్‌. ఈ లుక్‌ను రెజీనా త‌న ఇన్‌స్టాగ్రామ్ అకౌంట్‌లో పోస్ట్ చేశారు. అయితే ఈ లుక్‌లో రెజీనాను చూసిన అంద‌రూ షాక‌వుతున్నారు. ఈమె అస‌లు రెజీనాయేనా? అని ఆమె అభిమానులు సందేహాన్ని వ్య‌క్తం చేస్తున్నారు. 2020లో ఈ చెన్నై బ్యూటీ నాలుగు సినిమాల‌తో తెర‌పై సందడి చేయ‌నున్నారు. ఇక్క‌డ ప్ర‌స్తావించాల్సిన విష‌య‌మేమంటే ఈ నాలుగు సినిమాలు త‌మిళ చిత్రాలే కావ‌డం. ఎవ‌రు త‌ర్వాత రెజీనాకు తెలుగులో అవ‌కాశ‌మే రాలేదు.