రెజీనా బాలీవుడ్ ఎంట్రీ
- IndiaGlitz, [Tuesday,February 20 2018]
ద‌క్షిణాది హీరోయిన్‌లు బాలీవుడ్‌లో కూడా పాగా వేయాల‌ని ప్ర‌య‌త్నాలు చేస్తుంటారు. ఇప్పుడు హీరోయిన్స్ చాలా మంది అటువంటి ప్ర‌య‌త్నాలు చేసిన‌వారే మ‌రి. రెండేళ్ల క్రితం రెజీనా క‌సండ్ర కూడా బాలీవుడ్‌లో 'అంఖే 2' సినిమాతో ఎంట్రీ ఇవ్వాల‌నుకుంది. అవ‌కాశం వ‌చ్చింది కూడా.. అయితే ప్రాజెక్ట్ ఆగిపోయింది. అయితే ఇప్పుడు రెజీనా నిరీక్ష‌ణ ఫ‌లించింది.
విదు వినోద్ చోప్రా సోద‌రి షెల్లీ చోప్రా ధ‌ర్ ద‌ర్శ‌క‌త్వంలో రూపొంద‌నున్న 'ఏక్ ల‌డ్‌కీకో దేఖాతో ఐసా ల‌గా' సినిమాలో రెజీనా కీల‌క పాత్రలో న‌టించ‌నుంది. ఈ సినిమాలో వెస్ట్ర‌న్ లుక్ క‌న‌ప‌డే ద‌క్షిణాది అమ్మాయిగా రెజీనా న‌టించ‌బోతుంది మ‌రి. రెజీనాతో పాటు ఈ చిత్రంలో సోన‌మ్ క‌పూర్‌, రాజ్‌కుమార్‌, అనిల్ క‌పూర్‌, జూహీ చావ్లాలు నటిస్తున్నారు.