அட்லீ இயக்கத்தில், ஷாருக்கான், நயன்தாரா, விஜய் சேதுபதி நடிப்பில், அனிருத் இசையில், உருவான ‘ஜவான்’ திரைப்படம் கடந்த வியாழன் அன்று வெளியான நிலையில் மூன்றே நாட்களில் இந்த படத்தின் வசூல் குறித்த தகவல் வெளியாகி பெரும் ஆச்சரியத்தை ஏற்படுத்தியுள்ளது.

இந்த படம் முதல் நாளில் உலகம் முழுவதும் ரூ.129 கோடி வசூலித்ததாக ஏற்கனவே அறிவிக்கப்பட்டிருந்த நிலையில் தற்போது வியாழன், வெள்ளி, சனி ஆகிய மூன்று நாட்களில் 384.69 கோடி ரூபாய் வசூல் செய்ததாக இந்த படத்தின் தயாரிப்பு நிறுவனமான ரெட் சில்லி என்டர்டெயின்மென்ட் நிறுவனம் அறிவித்துள்ளது.

தமிழ், தெலுங்கு, ஹிந்தி ஆகிய மூன்று மொழிகளில் பிரமாண்டமாக உலகம் முழுவதும் வெளியான இந்த படம் ஆயிரம் கோடி ரூபாய் வசூலை நிச்சயம் நெருங்கும் என்று எதிர்பார்க்கப்படுகிறது. இந்த படத்திற்கு ஊடகங்கள் கொடுத்த பாசிட்டிவ் ரிசல்ட் காரணமாக இந்திய திரை உலகில் இந்த படம் மிகப்பெரிய வசூல் சாதனை செய்யும் என்று கூறப்படுகிறது.