కరోనా మహమ్మారి దేశంలో ఏ స్థాయిలో విస్తరిస్తోందో ప్రత్యేకంగా చెప్పనక్కర్లేదు. కరోనా మహమ్మారి సామాన్యుడు, సెలబ్రిటీ అనే భేదం కూడా చూపడం లేదు. ఈ క్రమంలోనే ప్రతి ఒక్కరూ ఎవరి జాగ్రత్తలు వాళ్లు తీసుకుంటున్నారు. మనం, మన కుటుంబం క్షేమంగా ఉండాలంటే కేంద్ర ప్రభుత్వమో, రాష్ట్ర ప్రభుత్వమో జాగ్రత్తలు తీసుకోవాల్సిన అవసరం లేదు. మన కోసం మనమే జాగ్రత్తలు పాటించాలి. ఎవరికి వాళ్లు తగు జాగ్రత్తలు పాటిస్తే కరోనాకు త్వరలోనే చెక్ పెట్టేయవచ్చు. ఈ దిశగానే సూపర్ స్టార్ మహేష్ బాబు అడుగులు వేస్తున్నాడు.

ఇప్పుడు ఏ సినిమాలు రిలీజ్‌లు లేవు... తన పుట్టినరోజు కూడా కాదు.. ఇక ఫ్యాన్స్ హడావుడి ఏముంటుంది. అయినా ఒకవైపు లాక్‌డౌన్. ఉదయం 4 గంటల పాటు సడలింపు ఇచ్చినప్పటికీ ఎవరి పనులు వారికి సరిపోతున్నాయి. ఈ నాలుగు గంటల్లో తమ ఇంటికి కావల్సిన వస్తువులు కొని తెచ్చుకోవడంతోనే సరిపోతోంది. అయితే మహేష్ బాబు మాత్రం ఉన్నఫళంగా తన ఇంటి ముందు సెక్యూరిటీని భారీగా పెంచేశాడు. ఇది ఇప్పుడు టాక్‌ ఆఫ్ ది ఇండస్ట్రీగా మారింది. ఎందుకు మహేష్ తన ఇంటి ముందు ఇంతలా సెక్యూరిటీని పెంచారనేది చర్చనీయాంశంగా మారింది.

మహేష్‌బాబు. హైదరాబాద్‌లోని తన ఇంటి వద్ద సెక్యూరిటీని భారీగా పెంచారు. ఇంట్లో పనిచేసేవాళ్లు మినహా వేరెవ్వరినీ ఇంట్లోకి రానివ్వడంలేదు. పైగా ఇంట్లో పనిచేసేవారికి ప్రతి రోజూ కరోనా టెస్టులు చేయించిన మీదటే లోపలికి అనుమతిస్తున్నారు. ఇప్పటికే మహేష్‌బాబు వ్యాక్సిన్ తొలిడోసు తీసుకున్నారు. త్వరలో సెకండ్ డోస్ తీసుకోనున్నారు. కాబట్టి సెకండ్ డోస్ తీసుకునేవరకూ జాగ్రత్తగా ఉండాలని నిర్ణయించారు. అందుకే షూటింగ్‌లు బంద్ చేసుకుని.. ఇంట్లో ఉండడమేకాదు.. బయటనుంచి వచ్చేవారి కారణంగా కరోనా మహమ్మారి రాకూడదనే ఉద్దేశంతో ఇన్ని జాగ్రత్తలు తీసుకుంటున్నారు. షూటింగ్‌లకు దూరంగా ఉన్నప్పటికీ ఆన్‌లైన్ ద్వారా దర్శక నిర్మాతలకు టచ్‌లోనే ఉన్నారట.