ప‌రిణీతి ప్లేస్‌లో ర‌కుల్‌ను తీసుకోవ‌డానికి కార‌ణ‌మేంటి?
- IndiaGlitz, [Friday,July 08 2016]
సూప‌ర్‌స్టార్ మహేష్, ఎ.ఆర్.మురుగ‌దాస్ కాంబినేషన్లో ఓ చిత్రం రూపొంద‌నున్న సంగ‌తి విదిత‌మే. ఈ సినిమాలో ముందుగా మహేష్ స‌ర‌స‌న బాలీవుడ్ హీరోయిన్ ప‌రిణీతి చోప్రాను తీసుకోవాల‌ని నిర్మాత‌లు భావించారు. ఆమెతో సంప్ర‌దింపులు జ‌రిపారు కూడా. ప‌రిణీతికి మూడున్న‌ర కోట్ల దాకా రెమ్యునరేషన్ చెల్లించి ఆమెను న‌టింప‌చేస్తున్న‌ట్లు ఈ మ‌ధ్య‌లో వార్త‌లు కూడా వ‌చ్చాయి.
అయితే ఉన్న‌ట్టుండి ప‌రిణీతి స్థానంలో ర‌కుల్ వ‌చ్చి చేరింది. అయితే ఈ మార్పుకు కార‌ణ‌మేంట‌ని చ‌ర్చ మొద‌లైంది. బ్ర‌హ్మోత్స‌వం స‌మ‌యంలో నిర్మాత‌లు అవ‌స‌రానికి మించి ఖ‌ర్చు చేశార‌ని, దాని వ‌ల్ల న‌ష్టం కూడా ఎక్కువ‌గా క‌నిపించింద‌ని. ఇప్పుడు అలా కాకుండా వీలైనంత‌గా బ‌డ్జెట్‌ను కుదించాల‌నే ప్ర‌య‌త్నంలో భాగంగా కోటి రూపాయ‌ల రెమ్యునరేషన్ ఉన్న ర‌కుల్‌ను తీసుకున్నార‌ని, దీని వ‌ల్ల నిర్మాత‌ల‌కు రెండున్న‌ర కోట్ల రూపాయ‌ల లాభం వ‌చ్చిన‌ట్టేన‌ని ఓ వ‌ర్గంవారు వాదిస్తుంటే, ప‌రిణితిచోప్రా డేట్స్ అడ్జ‌స్ట్ చేయ‌లేక‌నే సినిమాను వ‌దులుకుంద‌ని మ‌రో వ‌ర్గంవారంటున్నారు. అస‌లు కార‌ణమేమై ఉంటుంద‌బ్బా...