దర్శకుడికి థ్యాంక్స్ చెప్పిన స్టార్ హీరో మేనేజర్.. ఎందుకో తెలుసా!
- IndiaGlitz, [Wednesday,June 30 2021]
ఈ ఏడాది మోస్ట్ అవైటింగ్ కాంబినేషన్స్ లో బాలీవుడ్ బాద్షా షారుఖ్, తమిళ దర్శకుడు అట్లీ కాంబో ముందు వరుసలో ఉంటుంది. తమిళంలో వరుస విజయాలతో దూసుకుపోతున్న అట్లీ తొలిసారి షారుఖ్ ని డైరెక్ట్ చేయబోతున్నాడు. షారుఖ్ ని డైరెక్ట్ చేసేందుకు అట్లీ చాలా కాలంగా ఎదురుచూస్తున్న సంగతి తెలిసిందే.
ఇదీ చదవండి: వెంకీ డబుల్ ట్రీట్.. నారప్ప, దృశ్యం 2 డైరెక్ట్ ఓటిటి రిలీజ్
ఎట్టకేలకు ఈ కాంబో పట్టాలెక్కేందుకు రెడీ అవుతోంది. షారుఖ్, కరణ్ జోహార్ సంయుక్తంగా ఈ చిత్రాన్ని నిర్మించనున్నారు. తాజాగా షారుఖ్ మేనేజర్ పూజా సోషల్ మీడియాలో పెట్టిన ఓ పోస్టు ఆసక్తికరంగా ఉంది. అట్లీ, షారుఖ్ మూవీ గురించి హింట్ ఇచ్చే విధంగా ఉంది.
షారుఖ్, అట్లీ మూవీ పనులు శరవేగంగా జరుగుతున్నాయి అనడానికి ఇదే నిదర్శనం. మా గురించి ఎక్కువగా జాగ్రత్తలు తీసుకుంటున్న అట్లీకి థ్యాంక్స్. ఇది చాలా బావుంది .. నాకు డిఫెరెంట్ లుక్ ఇచ్చింది' అంటూ అట్లీ అందించిన మాస్క్ తో సెల్ఫీని పోస్ట్ చేసింది పూజా.
అట్లీ, షారుఖ్ సినిమా ప్రీ ప్రొడక్షన్ పనులు శరవేగంగా జరుగుతున్నాయి. ప్రస్తుతం షారుఖ్ 'పఠాన్' చిత్రంలో నటిస్తున్నాడు. ఈ మూవీ పూర్తి కాగానే అట్లీ మూవీ షూట్ కు హాజరవుతారు. భారీ యాక్షన్ ఎంటర్టైనర్ గా అట్లీ ఈ చిత్రాన్ని తెరకెక్కించబోతున్నారు.