చెరువులో రష్మిక ఫోటో షూట్...ఎందుకంటే...
- IndiaGlitz, [Saturday,December 15 2018]
క‌న్న‌డ‌లో కిర్రాక్ పార్టీతో హీరోయిన్‌గా స‌క్సెస్ అందుకున్న రష్మిక మంద‌న్నా తెలుగులో ఛ‌లో, గీత గోవిందం సినిమాల‌తో స్టార్ హీరోయిన్ అయ్యింది. ఇప్పుడు డియ‌ర్ కామ్రేడ్‌తో పాటు మ‌రికొన్ని సినిమాలు చేస్తుంది.
అయితే రష్మిక కేవ‌లం సినిమాల‌కే ప‌రిమితం కాకుండా జ‌ల కాలుష్యం పై ప్ర‌జ‌ల్లో అవ‌గాహ‌న క‌ల్పించ‌డానికి ముందుకు వ‌చ్చింది.బెంగ‌ళూరులోని క‌లుషిత కోర‌ల్లో చిక్కుకున్న బెళ్లందూరు చెరువులో ఫోటో షూట్ చేయించారు.
కొన్ని సంవ‌త్స‌రాల క్రితం వరకు బావున్న బెళ్లందూరు చెరువు, కాలుష్యానికి గురి కావ‌డం త‌న‌ను దిగ్ర్భాంతికి గురించేసింద‌ని, అస‌లు చెరువులో దిగే వరకు త‌న‌కు అస‌లు ప‌రిస్థితి తెలియ‌లేదంటూ రష్మిక ఫోటోల‌ను, మెసేజ్‌ను పోస్ట్ చేశారు. రష్మిక చేసిన ఈ పనికి ఆమెను నెటిజన్లు అభినందిస్తున్నారు.