మెగా బ్ర‌ద‌ర్ నాగ‌బాబు త‌న‌యుడు వ‌రుణ్ తేజ్ న‌టించిన తాజా చిత్రం కంచె. ఈ చిత్రాన్ని క్రిష్ తెర‌కెక్కిస్తున్నారు. రొటీన్ చిత్రాల‌కు పూర్తి భిన్నంగా ఉండే వైవిధ్య‌మైన క‌థ‌, క‌థ‌నంతో రూపొందుతున్న కంచె చిత్రాన్ని గాంధీ జ‌యంతి సంద‌ర్భంగా అక్టోబ‌ర్ 2న రిలీజ్ చేయ‌డానికి ప్లాన్ చేస్తున్నారు.

అయితే ఇటీవ‌ల రిలీజ్ చేసిన కంచె ట్రైల‌ర్ కు అటు ఆడియోన్స్ నుంచి ఇటు ఇండ‌స్ట్రీ నుంచి మంచి స్పంద‌న ల‌భించింది. సూప‌ర్ స్టార్ మ‌హేష్ బాబు కంచె ట్రైల‌ర్ చూసి చాలా బాగుందంటూ ట్వీట్ చేసాడు. బాగానే ఉంది. కానీ మ‌హేష్‌ కంచె సినిమా ట్రైల‌ర్ గురించి స్పందించ‌డం వెనుక ఓ కార‌ణం ఉంద‌ట‌.

అదేమిటంటే...క్రిష్...మ‌హేష్ తో శివ‌మ్ అనే సినిమా చేయాల‌ని గతంలో ప్ర‌యత్నించాడు. అశ్వ‌నీద‌త్ ఈ సినిమాని నిర్మించాల‌నుకున్నాడు. అయితే....క్రిష్ క‌థ విన్న మ‌హేష్ కొన్ని మార్పులు చెప్పాడ‌ట‌. మ‌హేష్ చెప్పిన మార్పులు చేస్తాన‌న్న క్రిష్...ఆత‌ర్వాత వేరే సినిమాలో బిజీ అవ్వ‌డం... మ‌హేష్ కూడా ఫుల్ బిజీ... అవ్వ‌డంతో శివ‌మ్ ప్రాజెక్ట్ అట‌కెక్కింది. అప్పుడు మ‌హేష్ కి చెప్పిన క‌థ‌నే ఇప్పుడు వ‌రుణ్ తేజ్ కంచె సినిమా అట‌. అందుకే కంచె కు క‌నెక్ట్ అయి మ‌హేష్ ట్విటాడ‌ట‌...అదీ... ట్విట్ట‌ర్ లో మ‌హేష్ మాట‌ల వెనుక మ‌ర్మం.