చాలా రోజుల క్రితం ద‌ర్శ‌క‌ధీరుడు రాజ‌మౌళి త‌న‌యుడు కార్తికేయ ‘ఆకాశవాణి’ చిత్రంతో నిర్మాణ రంగంలోకి అడుగుపెట్టాడు. గుణ్ణం గంగ‌రాజు త‌న‌య‌డుఉ అశ్విన్ గంగ‌రాజు ద‌ర్శ‌కుడిగా, అలాగే సింగ‌ర్, ఎం.ఎం.కీర‌వాణి త‌న‌యుడు కాళ‌భైర‌వ ఈ చిత్రంతో సంగీత ద‌ర్శ‌కుడిగా ప‌రిచ‌యం అవుతున్నారు. కొన్ని నెల‌ల క్రిత‌మే షూటింగ్ స్టార్ట్ అయ్యింది. కూడా విల‌క్ష‌ణ న‌టుడు స‌ముద్ర ఖ‌ని ఇందులో ఓ కీల‌క పాత్ర‌ను పోషిస్తున్నారు. దాదాపు షూటింగ్ అంతా పూర్త‌య్యింది. ఈ త‌రుణంలో ఈ సినిమా నిర్మాణం నుండి కార్తికేయ త‌ప్పుకున్నాడ‌ని వార్త‌లు వినిపించాయి. ఈ త‌రుణంలో చిత్ర యూనిట్ క్లారిటీ ఇచ్చింది.

కొన్ని ఆలోచ‌న‌ల‌తో ముందుకు సాగామ‌ని అయితే ద‌ర్శ‌కుడికి ఆలోచ‌న‌ల‌కు, త‌న‌కు పొంతన కుద‌ర‌డం లేద‌ని త‌న ఆలోచ‌న‌ల‌తో ప్రాజెక్ట్‌ను దెబ్బ‌తీయ‌డం ఇష్టం లేక‌పోవ‌డంతో తాను త‌ప్పుకుంటున్న‌ట్లు కార్తికేయ తెలిపారు. అలాగే మ‌రో సినిమాకు కూడా తాను లైన్ ప్రొడ్యూస‌ర్‌గా ప‌నిచేస్తున్నాన‌ని రెండు సినిమాల‌ను బ్యాలెన్స్ చేయ‌లేపోతున్నాన‌ని కార్తికేయ తెలిపారు. ఈ విష‌యాన్ని ట్విట్ట‌ర్ ద్వారా తెలియ‌జేస్తూ చిత్ర యూనిట్‌కు, మ‌రో నిర్మాత ప‌ద్మ‌నాభ‌రెడ్డి , ద‌ర్శ‌కుడు అశ్విన్‌కు అభినంద‌నలు తెలిపారు.