స్వ‌ర్గీయ మాజీ ముఖ్య‌మంత్రి ఎన్టీఆర్ బ‌యోపిక్ టైటిల్ య‌న్‌.టి.ఆర్‌ను రీసెంట్‌గా 'య‌న్‌.టి.ఆర్ క‌థానాయ‌కుడు'గా మార్చారు. నంద‌మూరి బాల‌కృష్ణ హీరోగా న‌టిస్తూ నిర్మిస్తున్న చిత్ర‌మిది. జాగ‌ర్ల‌మూడి క్రిష్ డైరెక్ష‌న్‌లో సినిమా తెర‌కెక్కుతోంది.

ఈ సినిమాలో రానా, సుమంత్‌, స‌చిన్ ఖేడేక‌ర్‌, జిస్సేన్ గుప్తా, ర‌కుల్ ప్రీత్ సింగ్‌, కైకాల స‌త్య‌నారాయ‌ణ త‌దిత‌రులు న‌టిస్తున్నారు. కాగా.. ఫిలింన‌గ‌ర్ వ‌ర్గాల స‌మాచారం ప్ర‌కారం ఈ సినిమాలో ఆంధ్ర ప్ర‌దేశ్ డిప్యూటీ స్పీక‌ర్ మండ‌లి బుద్ధ ప్ర‌సాద్ న‌టించ‌నున్నారట‌. దివిసీమ గాంధీ, మాజీ మంత్రి మండ‌లి కృష్ణారావు.. మండ‌లి బుద్ధ‌ప్ర‌సాద్ తండ్రి.

దివిసీమ ఉప్పెన వ‌చ్చిన స‌మయంలో మండ‌లి కృష్ణారావు మంత్రి ప‌ద‌వికి రాజీనామా చేసి ప్ర‌జ‌ల‌కు సేవ చేశారు. బ‌యోపిక్‌లో ఆయ‌న పాత్ర‌ను ఆయ‌న కొడుకు మండ‌లి బుద్ధ‌ప్ర‌సాదే చేస్తే.. బావుంటుంద‌ని బాల‌కృష్ణ‌, క్రిష్ భావించి ఆయ‌న్ను సంప్ర‌దించార‌ట‌. ఆయ‌న వైపు నుండి ఎలాంటి రిప్లై ఇంకా రాలేద‌ని స‌మాచారం.