తెలంగాణలో కరోనా విజృంభణ కొనసాగుతోంది. శుక్రవారం తెలంగాణ హెల్త్ బులిటెన్‌ను వైద్య ఆరోగ్య శాఖ విడుదల చేసింది. తెలంగాణలో కరోనా లక్ష కేసులకు చేరువవుతోంది. గడిచిన 24 గంటల్లో 26,767 శాంపిళ్లను పరీక్షించగా.. 1967 మందికి కరోనా పాజిటివ్‌గా నిర్ధారణ అయింది. దీంతో ఇప్పటి వరకూ మొత్తం కేసుల సంఖ్య 99,391కి చేరుకుంది. గడిచిన 24 గంటల్లో కరోనా నుంచి 1781 మంది కోలుకుని డిశ్చార్జ్ అవగా.. మొత్తంగా ఇప్పటి వరకూ 76,967 మంది కరోనా నుంచి కోలుకుని డిశ్చార్జ్ అయ్యారు.

కాగా.. తెలంగాణలో గడిచిన 24 గంటల్లో కరోనా కారణంగా 8 మంది మృతి చెందినట్టు వైద్య ఆరోగ్యశాఖ వెల్లడించింది. దీంతో మొత్తం మృతుల సంఖ్య 737కు చేరుకుంది. ప్రస్తుతం రాస్ట్రంలో 21,687 మంది కరోనాకు వివిధ ఆసుపత్రుల్లో చికిత్స పొందతున్నారు. పది లక్షల జనాభాకు 22,843 మంది చొప్పున పరీక్షలు నిర్వహించినట్టు వైద్య ఆరోగ్యశాఖ వెల్లడించింది. ఇంకా 1300 మందికి సంబంధించిన రిపోర్టులు రావాల్సి ఉంది. కాగా రాష్ట్రంలో మరణాల రేటు 0.74 శాతం ఉంది. కోలుకున్న వారి రేటు 77.43 శాతం ఉంది. ఇప్పటి వరకూ రాష్ట్రంలో 8,48,078 శాంపిళ్లను పరీక్షించినట్టు వైద్య ఆరోగ్యశాఖ వెల్లడించింది.

అయితే తెలంగాణ 6.6 లక్షల మందికి కరోనా సోకి ఉండవచ్చని ఇండియన్ ఇన్‌స్టిట్యూట్ ఆఫ్ కెమికల్ టెక్నాలజీ(ఐఐసీటీ), సెంటర్ ఫర్ సెల్యూలార్ అండ్ మాలిక్యులర్ బయాలజీ(సీసీఎంబీ) సంస్థలు సంయుక్తంగా వెల్లడించాయి. హైదరాబాద్ వాసులు వాడిన మురుగునీటి నమూనాలపై సంయుక్త పరిశోధనలు నిర్వహించగా హైదరాబాద్‌లో గత 35 రోజుల్లో 6.6 లక్షల మందికి కరోనా సోకి సాధారణ స్థితికి వచ్చిందని అంచనాకు వచ్చారు. నగరంలోని ఒక ప్రాంతంలో ఎక్కువని.. ఒక ప్రాంతంలో తక్కువంటూ లేదని అన్ని ప్రాంతాల్లోనూ సమాన స్థాయిలోనే వైరస్ విస్తరించిందని పరిశోధనల ద్వారా వెల్లడైంది.

Telugu : Media Bulletin on status of positive cases #COVID19 in Telangana. (Dated. 21.08.2020)#TelanganaFightsCorona #StayHome #StaySafe

For complete bulletin.. please click on below link ??https://t.co/nJ24zLHdOe pic.twitter.com/uIxXil5Fta

— Eatala Rajender (@Eatala_Rajender) August 21, 2020