ప్రెస్టీజియ‌స్ ప్రాజెక్ట్ `సాహో`పై భారీ అంచ‌నాలు నెల‌కొన్నాయి. భారీ బ‌డ్జెట్‌, హై టెక్నిక‌ల్ వేల్యూస్‌తో ఈ సినిమా రూపొంద‌డ‌మే అంచ‌నాల‌కు కార‌ణం కాదు..బాహుబ‌లి ప్ర‌భాస్ న‌టించిన చిత్రం కావ‌డం మ‌రో కార‌ణం. బాలీవుడ్ తార‌ శ్ర‌ద్ధాక‌పూర్ హీరోయిన్‌గా న‌టిస్తుంది. ఇంకా నీల్‌నితిన్‌, మందిరాబేడి స‌హాప‌లువురు బాలీవుడ్ స్టార్స్ న‌టించారు. హాలీవుడ్ టెక్నీషియ‌న్స్ పని చేశారు. ఆగ‌స్ట్ 15న సినిమాను విడుద‌ల చేస్తామ‌ని నిర్మాత‌లు ప్ర‌క‌టించారు.

అయితే ఈ సినిమా నుండి సంగీత ద‌ర్శ‌కులు శంక‌ర్ ఎహ్‌సాన్ లాయ్ త‌ప్పుకోవ‌డంతో మ‌రో సంగీత ద‌ర్శ‌కుడిని వెతికే పనిలో యూనిట్ బిజీగా ఉంది. సినిమాపై ఉన్న ఎక్స్‌పెక్టేష‌న్స్‌కు త‌గిన‌ట్లే ప్రీత‌మ్‌ను సంగీత ద‌ర్శ‌కుడిగా తీసుకోవాల‌నుకుంట‌న్నార‌ట‌. ఆయ‌న‌తో చ‌ర్చ‌లు జ‌రుపుతున్నార‌ని స‌మాచారం. సినిమా విడుద‌ల‌కు దాదాపు రెండు నెల‌ల వ్య‌వ‌ధి మాత్ర‌మే ఉంది. ఈలోపు పాట‌లు, నేప‌థ్య సంగీతం అందించ‌డం అంటే మాట‌లు కావు. త్వ‌ర‌లోనే `సాహో` మ్యూజిక్ డైరెక్ట‌ర్ ఎవ‌రో ఫైన‌ల్ కానున్నారు.