రవితేజ వారికే ఓటేస్తున్నాడు
- IndiaGlitz, [Monday,November 30 2015]
హీరోయిన్ల ఎంపిక‌లో రవితేజ శైలి మారుతోందా? అవున‌నే వినిపిస్తోంది టాలీవుడ్‌లో. 'బ‌లుపు' సినిమాకి ముందు ఈ విష‌యంలో రవితేజ శైలి ఒక‌లా ఉంటే.. ఆ సినిమా త‌రువాత మ‌రోలా ఉంది. అదెలా ఉంటే.. అంత‌కుముందు తన సినిమాల్లో హీరోయిన్లకు రిపీట్ ఆఫ‌ర్ల‌ను ఇచ్చిన వైనం ఉంది ర‌వితేజ‌కి. అయితే 'బ‌లుపు' త‌రువాత మాత్రం కొత్త కాంబినేష‌న్‌ల‌కే ఓటేస్తున్నాడు. ఆ సినిమా త‌రువాత వ‌చ్చిన 'ప‌వ‌ర్‌', 'కిక్ 2'ల‌తో పాటు తాజాగా రానున్న 'బెంగాల్ టైగర్' వ‌ర‌కు ఈ విష‌యం స్ప‌ష్టంగా అర్థ‌మౌతుంది. అలాగే 'ఎవ‌డో ఒక‌డు' పేరుతో రూపొంద‌నున్న రవితేజ కొత్త చిత్రం కూడా అనుప‌మ ప‌ర‌మేశ్వ‌ర‌న్‌, ప్ర‌జ్ఞా జైశ్వాల్ వంటి కొత్త కాంబినేష‌న్‌లో రానుంది. ఏదేమైనా.. హీరోయిన్ల విష‌యంలో రవితేజ కొత్త కాంబినేష‌న్‌ల‌కే ఓటేస్తున్నాడు.